या महोत्सवाची सुरुवात उद्या रविवारी (३१ मे) सकाळी ठीक ९ वाजता समनापूर ग्रामपंचायत कार्यालयात पुण्यश्लोक अहिल्यादेवी होळकर यांच्या प्रतिमेच्या शासकीय पूजनाने होईल. यानंतर सोहळ्याचा मुख्य आणि भव्य कार्यक्रम मंगळवारी (२ जून) सायंकाळी ६ वाजता स्थानिक मालोबा मंगल कार्यालय येथे पार पडणार आहे.
या संपूर्ण सोहळ्याचे मुख्य आकर्षण म्हणजे महाराष्ट्रातील आदर्श सरपंच माननीय भास्करराव पेरे-पाटील यांचे अभ्यासपूर्ण आणि प्रेरणादायी व्याख्यान होणार आहे. त्यांच्या या व्याख्यानाचा आणि अनुभवाचा लाभ घेण्यासाठी समनापूरसह परिसरातील नागरिकांनी, तरुणांनी आणि महिलांनी मोठ्या संख्येने उपस्थित राहावे, असे आवाहन आयोजकांच्या वतीने करण्यात आले आहे.
