अनंत पांगारकर
तांबे यांनी बैठकीत घोषणा केल्याप्रमाणे जिल्हा नियोजन समितीच्या माध्यमातून तातडीने एक कोटी रुपयांचा निधी देण्याची मागणी केली होती. मात्र जिल्हाधिकारी सिद्धाराम सालीमठ यांनी तांबे यांच्या प्रश्नाला उत्तर देताना सांगितले की, अश्वारूढ पुतळ्यासाठी जिल्हा नियोजन समितीच्या माध्यमातून असा निधी देता येत नाही त्यावर काय उपाय करता येईल याबाबत आम्ही सरकारकडे मार्गदर्शन मागितले आहे.
शिवसेनेचे (उद्धव बाळासाहेब ठाकरे) तत्कालीन शहर प्रमुख अमर कतारी यांनी नगर परिषदेकडे केली होती. यासाठी शिवसेना पक्षाच्या वतीने एक लाख रुपये तर शिवजयंती उत्सव समितीच्या माध्यमातून दहा लाख रुपयांचा निधी देणार असल्याचे देखील त्यांनी म्हटले होते.
नगर परिषदेच्यावतीने यासाठी निधीचा प्रस्ताव शासनाकडे सादर करण्यात आला होता. नाशिक पदवीधर मतदार संघाचे आमदार सत्यजित तांबे यांनी यासाठी पाठपुरावा करत तत्कालीन मुख्यमंत्री एकनाथ शिंदे यांच्याकडे २१ ऑगस्ट २०२३ रोजी संगमनेर बस स्थानकावरील एसटी महामंडळाची जागा नगर परिषदेकडे हस्तांतरित करण्याची मागणी केली होती. मुख्यमंत्री शिंदे यांनी या मागणीला सकारात्मक प्रतिसाद देत यासंबंधीच्या सूचना परिवहन मंडळाला दिल्या होत्या.
दरम्यान तांबे यांचा पाठपुरावा सुरू असतानाच तत्कालीन महसूल मंत्री तथा पालकमंत्री राधाकृष्ण विखे पाटील यांनी १६ नोव्हेंबर २०२३ रोजी जिल्ह्यातील सर्व तालुक्यांमध्ये छत्रपती शिवाजी महाराजांच्या पुतळ्याकरिता जिल्हा नियोजन समितीच्या माध्यमातून एक कोटी रुपये देण्याचे घोषणा केली होती. पालकमंत्र्यांनी यासाठी पुढाकार घेत एक कोटी रुपयांची घोषणा केल्याने पालिकेचा प्रस्ताव मागे पडला. छत्रपती शिवाजी महाराजांच्या पुतळ्याकरिता जिल्हा नियोजन समितीच्या माध्यमातून एक कोटी रुपये आणि पुतळ्यासाठीची जागा निश्चित झाल्याने संगमनेरकर आनंदित झाले होते. तसेच छत्रपती शिवाजी महाराज स्मारक समितीच्या प्रमुखपदी अमोल खताळ यांची नियुक्ती केली होती.
पालकमंत्र्यांच्या पहिल्याच बैठकीत तांबे यांनी यासंबंधीचा प्रश्न उपस्थित करत निधीची मागणी केल्यानंतर अशा प्रकारचा निधी मिळू शकत नसल्याची बाब समोर आल्याने आमदार तांबे यांनी सरकारकडे पाठपुरावा करण्याचे ठरविले आहे. तर समितीचे प्रमुख असलेले खताळ देखील आता आमदार असल्याने त्यांच्यासह पालकमंत्री विखे पाटील या संदर्भात काय भूमिका घेतात याकडे लक्ष लागले आहे.
