संगमनेर –
दहावीत शिकणाऱ्या अल्पवयीन मुलीचा अंघोळ करतानाचा व्हिडिओ काढणाऱ्या आरोपी अकबर युनूस शेख याच्या गावात पीडितेला न्याय मिळावा तसेच जिहादी प्रवृत्तीचा निषेध करण्यासाठी आंदोलन करण्यात आले. आंदोलकांनी यावेळी आरोपीच्या पुतळ्याचे दहन केले.
अनुसूचित जातीच्या एका दहावीत शिकणाऱ्या अल्पवयीन मुलीचा शेजारीच राहणाऱ्या आरोपी अकबर युनूस शेख याने घराच्या छतावर जाऊन, पीडित मुलगी आंघोळ करत असतानाचा व्हिडिओ काढल्याचे घटना मंगळवारी घडली होती. आंघोळ करणाऱ्या अल्पवयीन पीडितेला याची जाणीव होताच तिने आरडाओरडा सुरू केला. त्यावेळी घरात असलेले आई-वडील धावत मुलीकडे आले. त्यावेळी या प्रकाराचा उलगडा झाला.
परंतु घटनेनंतर गावातील काही बड्या नेत्यांनी सदर प्रकरण दडपण्याचा प्रयत्न केल्याचा आरोप करण्यात आला आहे. मात्र पीडितेने आणि तिच्या भावाने कोणालाही न जुमानता विश्व हिंदू परिषद, बजरंग दल, दुर्गावाहिनी यांच्याशी संपर्क साधला.
त्यानंतर रात्री उशिराने जिहादी अकबर युनूस शेख याच्यावर पॉक्सो, ॲट्रॉसिटी ॲक्ट अंतर्गत कारवाई करण्यात आली. घटनेनंतर दुसऱ्या दिवशी हिंदुत्ववादी संघटनांच्या पदाधिकारी कार्यकर्त्यांनी पीडित तरुणीच्या कुटुंबीयांची भेट घेत आधार दिला.
दरम्यान गावात करण्यात आलेल्या आंदोलनावेळी जिहादी अकबर युनूस शेखच्या प्रतीकात्मक पुतळ्याचे दहन करण्यात आले आणि गावातून निषेध मोर्चा काढण्यात आला. यावेळी मोठ्या प्रमाणात सकल हिंदू समाजाची गर्दी झाली होती. आंदोलनावेळी हिंदुत्ववादी संघटनेचे कुलदीप ठाकूर, योगेश सूर्यवंशी, ॲड. सोनाली बोटवे, साक्षी हासे, रेखा गलांडे आदींनी निषेधाची भाषणे केली.
विश्व हिंदू परिषद, बजरंग दल तालुका संयोजक कुलदीप ठाकूर, शहर संयोजक ओम भालेराव, आर पी आय आठवले पक्षाचे शहराध्यक्ष कैलास कासार, सोनू कानकाटे, प्रतीक पाटील, योगेश सूर्यवंशी, संगमनेर शहर संयोजिका ॲड. सोनाली बोटवे, दुर्गावाहिनी संयोजिका साक्षी हासे, समरसता प्रमुख अंजली वीर, पूजा अरगडे, रेखा गलांडे, शिवज्ञा अरगडे, मधुरा पोळ, पूजा सोनवणेसह अनेक महिलांनी मोठ्या संख्येने उपस्थित राहून सदर घटनेचा तीव्र निषेध व्यक्त केला.
