महाराष्ट्र संवादसाठी लंडनहून विशेष वृत्त | अनुराग फुटाणे
महाराष्ट्राचे आराध्य दैवत असलेले छत्रपती शिवाजी महाराज हे जगाचे प्रेरणास्थान ठरले आहे. महाराष्ट्राच्या या राज्याची जयंती साता समुद्रा पार लंडनमध्ये देखील मोठ्या दिमाखात साजरी करण्यात आली.
लंडनमध्ये मराठी युवकांनी साजरी केलेल्या या सोहळ्याला वेलविन हटफिल्ड बॉरो कौन्सिलचे महापौर फ्रॅंक मार्श यांनी आवर्जून उपस्थिती लावली आणि तमाम भारतीयांना शुभेच्छा दिल्या.
युनिव्हरसिटी ऑफ हार्डफोर्टशायरमध्ये गर्जा महाराष्ट्र मंडळाने यासाठी पुढाकार घेतला होता. मार्श यांच्यासह हटफिल्डचे नगरसेवक कार्तिक बंकर हेही शिवजयंतीच्या सोहळ्याला आवर्जून उपस्थित होते.
छत्रपती शिवरायांना मराठी, हिंदी, राजस्थानी, गुजराती विद्यार्थ्यांनी यावेळी अभिवादन केलं. विद्यार्थ्यांनी मुरारबाजी, बाजीप्रभू देशपांडे, शिवा काशीद, तानाजी मालुसरे यांची रूपं रेखाटली होती. जयंती निमित्ताने कोळीगीतं, जोगवा, लोकसंगीत सादरीकरण करण्यात आलं. लंडनच्या महाराष्ट्र मंडळाने या सोहळ्यासाठी ढोलताशे पथक पाचरण केलं होतं.
मंडळाच्या प्रमुख युगांती तांडेल व गर्जा महाराष्ट्र सोसायटीचे प्रमुख अनुराग फुटाणे यांच्या नेतृत्वाखाली या कार्यक्रमाचे आयोजन करण्यात आले होते.
कार्यक्रमातील व्हिडिओ….
