न्यायालयाने ठोठावली काँग्रेसच्या माजी खासदाराला जन्मठेपेची शिक्षा

दि. २५ फेब्रुवारी –
१९८४ च्या शिखविरोधी दंगली प्रकरणी दिल्लीच्या राऊस आव्हेनू न्यायालयाने काँग्रेस नेते माजी खासदार सज्जनकुमार यांना दोषी ठरविले आहे. त्यांना जन्मठेपेची शिक्षा सुनावण्यात आली आहे. न्यायालयाने यासंदर्भातील निर्णय २१ फेब्रुवारीला राखून ठेवला होता.
शीखविरोधी दंगलीत हत्या आणि दंगलीचे गुन्हे दाखल असलेल्या काँग्रेस नेते सज्जन कुमार यांना कनिष्ठ न्यायालयाने दोषमुक्त केले होते. या सुटकेला दिल्ली हायकोर्टात आव्हान देण्यात आले होते. या खटल्यात आज हायकोर्टाने निर्णय दिला. हायकोर्टाने सज्जन कुमार यांना जन्मठेपेची शिक्षा सुनावली आहे.
माजी पंतप्रधान इंदिरा गांधी यांच्या हत्येनंतर दिल्लीमध्ये मोठ्या प्रमाणात शीखविरोधी दंगल भडकली होती. काँग्रेस नेत्यांच्या चिथावणीमुळेच ही दंगल भडकली, असा आरोप आहे. या संदर्भात पंजाबी बाग पोलीस ठाण्यात गुन्हा दाखल करण्यात आला होता. नंतर हा तपास विशेष पथकाकडे सोपविण्यात आला. गुन्ह्याच्या छत्तीस वर्षानंतर २०२१ मध्ये सज्जनकुमार यांच्या विरोधात न्यायालयात आरोप निश्चित करण्यात आले होते. या खटल्याचा निकाल लागण्यासाठी चाळीस वर्षे लागली आहे.
काय होती नेमकी घटना… माजी पंतप्रधान इंदिरा गांधी यांच्या हत्येचा बदला घेण्यासाठी दिल्लीत प्रचंड जाळपोळ, लुटमार, मारहाण करण्यात आली होती. त्यावेळी हत्यार झालेले यशवंत आणि त्यांचा मुलगा घरातच होता. जमावाने घरात घुसून त्यांची हत्या केली होती, तसेच त्यांचे घर लुटत जाळले होते.
न्यायालयाचा निष्कर्ष… सज्जन कुमार हे या घटनेत केवळ सहभागीच नव्हते तर त्यांनी या जमावाचे नेतृत्व केले होते असे मान्य करण्यासाठी पुरेसे पुरावे न्यायालयासमोर असल्याचे न्यायालयाने म्हटले आहे.