संगमनेर, दि. ३ मार्च
आपली समिती आपली ताकद हे ब्रीद असलेल्या शिवजयंती उत्सव युवक समितीच्या अध्यक्षपदी रोहित वाळके यांची सर्वांनूमध्ये निवड करण्यात आली आहे. मावळते अध्यक्ष रोहित बागे यांच्या अध्यक्षतेखाली झालेल्या बैठकीत नव्याने पदाधिकारी निवडी करण्यात आल्या आहे. समितीच्या अध्यक्षपदी कोणाची निवड केली जाते याची दरवर्षी कार्यकर्त्यांना उत्सुकता असते.
ग्रामदैवत असलेल्या चंद्रशेखर चौकातील मारुती मंदिरामध्ये झालेल्या बैठकीत या निवडी करण्यात आल्या. एक वर्षासाठी या निवडी आहेत.
छत्रपती शिवाजी महाराज यांच्या कामाची प्रेरणा घेऊन संगमनेरमध्ये सर्वपक्षीय तरुणांनी एकत्रित येत अकरा वर्षांपूर्वी शिवजयंती उत्सव युवक समितीची स्थापना केली होती. समितीच्या माध्यमातून वर्षभर विविध उपक्रम राबविले जात असून तिथीनुसार शिवजयंती साजरी केली जाते. शिवजयंती उत्सवासाठी या समितीने आपली वेगळी ओळख यातून निर्माण केली आहे.
यावर्षी शिवजयंती उत्सवानिमित्त भव्य मॅरेथॉन स्पर्धांचे आयोजन करण्यात आल्याची माहिती संयोजकांनी दिली आहे. शिवजयंती उत्सवानिमित्त समिती यावर्षी कोणते वेगळे उपक्रम राबविते याची संगमनेरकरांना उत्सुकता लागली आहे. उत्सव समितीचे मावळते अध्यक्ष सागर बागे यांनी नव्या अध्यक्षांच्या निवडीची घोषणा केली. तसेच बैठकीत पदाधिकाऱ्यांच्या निवडी करण्यात आल्या.
यावर्षीच्या शिवजयंती उत्सव समितीचे असे आहेत नवे पदाधिकारी…
रोहित वाळके (अध्यक्ष), आकाश इगेवार, अनिकेत गुट्टीकोंडा (उपाध्यक्ष), साजन कतारी (कार्याध्यक्ष), रोशन गोफणे (सहकार्याध्यक्ष), शुभम परदेशी (खजिनदार), विशाल भोईर (सह खजिनदार), संदीप वराडे (सचिव), वैभव आमले, विकास सोनवणे (शहर संघटक), मयूर आडेप, आदित्य बढे व सुभाष दिघे (प्रसिद्धीप्रमुख), आनंद गांधी, विजय पवार, किरण वर्पे, विनायक भोईर, मंगेश पाथरकर, सौरभ उमरजी यांचा समावेश आहे. तर कायदेविषयक सल्लागारपदी सुशांत कवडे आणि शोन थोरात यांची निवड करण्यात आली.
