अकोले येथे आयोजित एका विशेष कार्यक्रमात हा कौतुक सोहळा पार पडला. या कार्यक्रमाला आमदार डॉ. किरण लहामटे यांच्यासह राजूर महाविद्यालयाचे माजी प्राचार्य विलास नवले यांनी अध्यक्षस्थान भूषविले. माजी नगराध्यक्ष के. डी. धुमाळ, गटशिक्षणाधिकारी अरविंद कुमावत, शिक्षण विस्तार अधिकारी (अकोले) माधवराव हासे, शिक्षण विस्तार अधिकारी (मवेशी बीट) बाळासाहेब दोरगे आणि केंद्रप्रमुख (नवलेवाडी) सुनील नरसाळे यांच्यासह शिक्षक विक्रम गायकर आदी मान्यवर प्रमुख पाहुणे म्हणून उपस्थित होते.
या अनोख्या कौतुक सोहळ्याबद्दल बोलताना आमदार डॉ. किरण लहामटे म्हणाले, “श्रीमती खतोडे या विद्यार्थीप्रिय शिक्षिकेचे कार्य खरोखरच कौतुकास्पद आहे. त्यांनी केलेल्या चांगल्या कामाची पावती म्हणून पालकांनी त्यांचा गौरव करणे हे एक दुर्मिळ आणि प्रेरणादायी उदाहरण आहे.”
