या दाखल्यांचा समावेश… राज्याचे माजी शिक्षणमंत्री बाळासाहेब थोरात यांच्या मार्गदर्शनाखाली आणि कॅन्सर तज्ञ डॉ. जयश्री थोरात यांच्या नेतृत्वाखाली ही सुविधा उपलब्ध करून देण्यात आली असून, विद्यार्थ्यांना आता एकाच ठिकाणी उत्पन्नाचा दाखला, नॉन-क्रिमिलेअर, डोमिसाईल, नॅशनॅलिटी, डोंगरी आणि जात प्रमाणपत्र यांसारखे आवश्यक दाखले तात्काळ मिळवता येणार आहेत.
यशोधन कार्यालयाचा मदतीचा हात… विद्यार्थी आणि पालकांची ही गैरसोय दूर करण्यासाठी, त्यांचा वेळ आणि खर्चाची बचत व्हावी यासाठी कॅन्सरतज्ञ डॉ. जयश्री थोरात यांच्या मार्गदर्शनाखाली यशोधन कार्यालयामध्ये एक स्वतंत्र विभाग सुरू करण्यात आला आहे. यामुळे विद्यार्थ्यांना आवश्यक ते सर्व दाखले तात्काळ मिळवणे शक्य होणार आहे. यशोधन कार्यालयाच्यावतीने तालुक्यातील सर्व विद्यार्थ्यांनी या सुविधेचा लाभ घ्यावा असे आवाहन करण्यात आले आहे.
