महाराष्ट्र संवाद न्यूज ऑनलाईन वृत्त
संगमनेर, प्रतिनिधी:
सजीव सृष्टीच्या रक्षणासाठी सहकार महर्षी भाऊसाहेब थोरात यांनी सुरू केलेल्या दंडकारण्य अभियानाचा १९ वा शुभारंभ शनिवारी, (२ ऑगस्ट) सकाळी ९ वाजता मालदाड येथील कानिफनाथ मंदिर डोंगर येथे होणार आहे. काँग्रेसचे ज्येष्ठ नेते माजी मंत्री बाळासाहेब थोरात आणि माजी आमदार डॉ. सुधीर तांबे यांच्या प्रमुख उपस्थितीत हा सोहळा पार पडणार असल्याची माहिती प्रकल्प प्रमुख दुर्गाताई तांबे यांनी दिली आहे.
या संदर्भात अधिक माहिती देताना दुर्गाताई तांबे म्हणाल्या की, माजीमंत्री बाळासाहेब थोरात आणि माजी आमदार डॉ. सुधीर तांबे यांच्या मार्गदर्शनाखाली २००६ पासून अमृत उद्योग समूह आणि विविध सेवाभावी संस्थांच्या संयुक्त विद्यमाने हे पर्यावरण संवर्धनाचे दंडकारण्य अभियान राबवले जात आहे. या अभियानाअंतर्गत दरवर्षी लाखो वृक्षांचे रोपण केले जाते, ज्यामुळे अनेक उजाड डोंगर आता हिरवेगार दिसू लागले आहेत. याव्यतिरिक्त, तालुक्यामध्ये वृक्ष संवर्धनाची संस्कृती वाढली असून, महिलांनी घरांच्या आसपास परसबागांसह वृक्षांची लागवड केली आहे.
या अभियानाची राज्य आणि राष्ट्रीय पातळीवर दखल घेतली गेली असून, तालुक्यातील सर्व नागरिकांच्या सक्रिय सहभागामुळे ही एक मोठी लोकचळवळ ठरली आहे.
दंडकारण्य अभियानाचा या वर्षीचा शुभारंभशनिवारी, २ ऑगस्ट रोजी सकाळी ९ वाजता मायंबा डोंगर तसेच कानिफनाथ मंदिर, मालदाड येथे होणार आहे.
यावेळी माजी मंत्री बाळासाहेब थोरात, माजी आमदार डॉ. सुधीर तांबे, आमदार सत्यजित तांबे, माधवराव कानवडे, रणजीतसिंह देशमुख, डॉ. जयश्री थोरात, सुधाकर जोशी, संपतराव डोंगरे, शंकरराव खेमनर, इंद्रजित थोरात, पांडुरंग पाटील घुले, लक्ष्मणराव कुटे, रामहरी कातोरे, बाबा ओहोळ, हौशीराम सोनवणे, राजेंद्र गुंजाळ, अजय फटांगरे, सोमेश्वर दिवटे, राजेंद्र कडलग, प्रा. बाबा खरात, विश्वास मुर्तडक, सरपंच गोरख नवले, अर्चना बालोडे, निखिल पापडेजा, गौरव डोंगरे, जावेद शेख, हैदर अली यांच्यासह मालदाड आणि पंचक्रोशीतील पदाधिकारी, कार्यकर्ते मोठ्या संख्येने उपस्थित राहणार आहेत.
कार्यक्रमासाठी मालदाड, सोनोशी, घुलेवाडी, सायखिंडी, सुकेवाडी, वेल्हाळे, निमोन परिसरातील नागरिकांनी मोठ्या संख्येने उपस्थित राहावे, असे आवाहन दंडकारण्य अभियान समिती, ग्रामपंचायत मालदाड आणि मालदाड ग्रामस्थांच्या वतीने करण्यात आले आहे.
