निळवंडे कालव्याचं पाणी पोरा-बाळांनीच आणून दाखवलं: माजी खासदार विखे

महाराष्ट्र संवाद न्यूज ऑनलाईन

संगमनेर, प्रतिनिधी: जे काम पन्नास वर्षांत सर्व सत्तास्थानांवर असूनही तुम्हाला जमलं नाही, ते पोरं-बाळांनीच करून दाखवलं आणि पाणी आणल्याचं सिद्ध केलं, असा टोला लगावत माजी खासदार डॉ. सुजय विखे पाटील यांनी विरोधकांवर नाव न घेता जोरदार टीका केली.

अनेक वर्षांपासून प्रतीक्षेत असलेल्या निळवंडे डाव्या कालव्याचं पाणी अखेर संगमनेर तालुक्यातील गोरक्षवाडी येथे पोहोचलं आणि त्याचा जलपूजन सोहळा नुकताच पार पडला. या ऐतिहासिक क्षणी डॉ. विखे बोलत होते.

डॉ. विखे म्हणाले की, निळवंडे डावा कालवा योजना गेल्या ३०-४० वर्षांपासून केवळ कागदावर होती. या काळात अनेक बैठका झाल्या, आश्वासनं दिली गेली, पण पाण्याचा एक थेंबही गोरक्षवाडी किंवा संगमनेरमध्ये पोहोचला नाही. जनतेच्या अपेक्षा वाढवल्या गेल्या, पण त्या पूर्ण झाल्या नाहीत. आज हा प्रकल्प पूर्ण झाल्यामुळे शेतीसोबतच पिण्याच्या पाण्याची समस्याही मिटणार आहे. हा टप्पा शेतकऱ्यांच्या जीवनात क्रांती घडवून आणणारा असल्याचं त्यांनी नमूद केलं.

विरोधकांवर अप्रत्यक्ष टीका करताना ते म्हणाले, गेली २५ वर्षे मंत्री राहूनही पाणी देता आलं नाही आणि आजही मतदारसंघात २०० टँकर धावत आहेत. पण संगमनेरच्या जनतेनेच तो बदल घडवला आणि आमदार म्हणून अमोल खताळ यांना निवडून दिलं. घोषणांनी पोट भरत नाही, प्रत्यक्ष काम केल्याशिवाय जनता समाधानी होत नाही आणि आता तालुक्यात खऱ्या कामाला सुरुवात झाली आहे.

यापूर्वी भोजापूर धरणाचं पाणी नान्नज दुमाला, तीगाव, सोनोशीपर्यंत पोहोचवल्याचं उदाहरण देत ते म्हणाले, गेली ३० वर्षे हा चमत्कार कुणीच घडवू शकला नव्हता, पण शिस्त, नियोजन आणि काटेकोर लक्ष ठेवल्यास अशा योजना पूर्ण होऊ शकतात. पाणी आणणं हे केवळ राजकारण नाही, तर जनतेच्या जगण्याशी जोडलेली जबाबदारी आहे.

या कामात केंद्र सरकारचं मोठं योगदान आहे. हे पाणी पंतप्रधान नरेंद्र मोदी यांच्या संकल्पनेतून, केंद्र सरकारच्या निधीतून आणि मुख्यमंत्री देवेंद्र फडणवीस यांच्या माध्यमातून मिळालं आहे. पालकमंत्री राधाकृष्ण विखे पाटील यांच्या हस्ते पाणी सोडण्याचा ऐतिहासिक कार्यक्रम झाल्यामुळे, महायुती सरकार शेतकऱ्यांच्या पाठीशी ठाम असून पुढील दोन वर्षांत निमगावजाळीचा प्रत्येक कोपरा पाण्याखाली आणू असं ते म्हणाले.

What's Hot

‘आरोपी अजूनही त्रास देतोय का?’ पीडित महिलांना पोलिसांचा फोन जाताच उघड झाली ‘ही’ मोठी माहिती

बंधाऱ्यावरून तरुणाची पाण्यात उडी; दुचाकी अन् मोबाईलमुळे उघडकीस आली थरारक घटना

निळवंडे कालव्याचं पाणी पोरा-बाळांनीच आणून दाखवलं: माजी खासदार विखे

‘आरोपी अजूनही त्रास देतोय का?’ पीडित महिलांना पोलिसांचा फोन जाताच उघड झाली ‘ही’ मोठी माहिती

बंधाऱ्यावरून तरुणाची पाण्यात उडी; दुचाकी अन् मोबाईलमुळे उघडकीस आली थरारक घटना

स्पर्धा परीक्षेचे स्वप्न अपूर्णच! तरुणीचा टोकाचा निर्णय, परिसरात हळहळ

Our Picks

What's Hot

निळवंडे कालव्याचं पाणी पोरा-बाळांनीच आणून दाखवलं: माजी खासदार विखे

Related Posts