बिबट्याच्या हल्ल्यात 22 वर्षीय आदिवासी शेतमजूर ठार; परिसरात भीतीचे वातावरण
वन विभागाने नरभक्षक बिबट्याला पकडण्यासाठी परिसरात विविध ठिकाणी पिंजरे लावले आहेत. या घटनेमुळे स्थानिकांमध्ये प्रचंड संताप व्यक्त होत आहे
बेलापूर (अकोले): बिबट्याच्या हल्ल्यात बावीस वर्षीय आदिवासी शेतमजुराचा मृत्यू झाल्याची अकोले तालुक्याला हादरवून टाकणारी एक धक्कादायक घटना समोर आली आहे. रात्रीच्या वेळी झालेल्या हल्ल्याचा प्रकार रविवारी सकाळी समोर आला.
या घटनेची माहिती तात्काळ गावचे पोलीस पाटील केशव त्रिभुवन आणि भगवानदादा काळे यांनी अकोले पोलीस स्टेशन व वन विभागाला दिली. माहिती मिळताच वन विभागाचे अधिकारी आणि अकोले पोलीस स्टेशनचे कर्मचारी तात्काळ घटनास्थळी दाखल झाले. त्यांनी पंचनामा करून मृतदेह शवविच्छेदनासाठी कोतुळ येथील कुटीर रुग्णालयात पाठवला.
