“आय लव संगमनेर” आयोजित महिलांसाठी खेळ पैठणीचा कार्यक्रम भव्यदिव्य उत्साहात संपन्न! हजारो महिलांचा उत्स्फूर्त सहभाग – आमदार सत्यजीत तांबे यांनी उपलब्ध करुन दिले व्यासपीठ

संगमनेर – आमदार सत्यजीत तांबे यांच्या संकल्पनेतून सुरू झालेल्या आय लव संगमनेरच्या वतीने नवरात्रीनिमित्त आयोजित खेळ पैठणीचा कार्यक्रम २४ सप्टेंबर ते २७ सप्टेंबर या चार दिवसांच्या कालावधीत शहरातील तब्बल १६ ठिकाणी झालेल्या या कार्यक्रमांमध्ये हजारो महिलांनी उत्स्फूर्त सहभाग नोंदवला.

या कार्यक्रमाच्या माध्यमातून संगमनेर शहरातील महिलांना खेळ, स्पर्धा, प्रश्नोत्तरे आणि लकी ड्रॉ अशा मजेदार उपक्रमांचा आनंद घेता आला. विजेत्या महिलांना आकर्षक बक्षिसे देण्यात आली. यात प्रामुख्याने राजेशाही पैठणी, कुकर, मिक्सर, गृहउपयोगी साहित्य व इतर आकर्षक भेटवस्तू यांचा समावेश होता. यावेळी शहरातील सर्व कार्यक्रमांना माजी नगराध्यक्ष दुर्गाताई तांबे, कांचनताई थोरात, शरयूताई देशमुख, डॉ. जयश्री थोरात, डॉ. मैथिलीताई तांबे हे आवर्जून उपस्थित राहिले.

संगमनेर शहरात विकासासोबत सांस्कृतिक परंपरेला चालना देण्याचे कार्य सातत्याने सुरू आहे. त्याचाच भाग म्हणून ‘आय लव संगमनेर’च्या वतीने आयोजित केलेल्या या कार्यक्रमास हजारो महिलांचा उत्स्फूर्त सहभाग आणि नवरात्रीच्या उत्साहात भर घालणारा हा खेळ पैठणीचा सांस्कृतिक सोहळा संगमनेर शहरासाठी अविस्मरणीय ठरला.

या कार्यक्रमाबाबत महिलांचा उत्साह ओसंडून वाहताना अनेकांनी आपली भावना व्यक्त केली.

– “आमदार सत्यजीत तांबे यांनी महिलांसाठी असे भव्य व्यासपीठ उपलब्ध करून दिल्याबद्दल आम्ही मनःपूर्वक आभार मानतो.

– सर्वसामान्य महिला आणि तरुणींना सन्मानाने सहभागी होण्याची संधी मिळाली,” 

– “खेळ पैठणीच्या निमित्ताने महिलांना केवळ आनंदच नाही, तर आत्मविश्वास व एकोपा वाढवण्याची संधी मिळाली,” 

– “सामाजिक, सांस्कृतिक व धार्मिक व्यासपीठ उपलब्ध करून देणारा तसेच आपुलकीची ओढ निर्माण करणारा जनमानसातील माणुसकी असलेला नेता म्हणून सत्यजीत तांबे यांचे नाव आज घराघरांत पोहोचले आहे,” अशी भावना उपस्थित महिलांनी व्यक्त केली.

लोकसेवेतील तांबे परिवार – गेल्या ३०-३५ वर्षांपासून लोकसेवेतील तांबे परिवार संगमनेरकरांच्या सुख-दुःखात, सामाजिक आणि सांस्कृतिक व धार्मिक कार्यक्रमांत नेहमीच अग्रस्थानी राहिला आहे. डॉ. सुधीर तांबे, दुर्गा तांबे, आमदार सत्यजीत तांबे आणि डॉ. मैथिली तांबे यांच्या सततच्या उपस्थितीमुळे तांबे परिवाराने जनतेच्या मनात आपलेपणाचे घर केले आहे.