अहिल्यानगर – अहिल्यानगर जिल्ह्यातील २९० उमेदवारांच्या शासकीय नियुक्ती आदेश वितरणाच्या कार्यक्रमाचे स्थळ बदलण्यात आले आहे. हा कार्यक्रम आता जिल्हाधिकारी कार्यालयाच्या ऐवजी पालकमंत्र्यांच्या कार्यालयातून आयोजित केला जाणार आहे.
राज्य शासनाच्या १५० दिवसांच्या कार्यक्रमांतर्गत महाराष्ट्र लोकसेवा आयोगामार्फत (MPSC) शिफारस झालेले आणि अनुकंपा तत्त्वावर नियुक्त झालेल्या एकूण २९० उमेदवारांना हे नियुक्ती आदेश वाटप करण्यात येणार आहेत.
हा महत्त्वाचा कार्यक्रम आता जनसेवा कार्यालय, लोणी–हसणापूर रोड, लोणी बुद्रुक, ता. राहाता, जि. अहिल्यानगर येथे शनिवारी (दि. ४ ऑक्टोबर) सकाळी १०.३० वाजता पार पडणार आहे. यापूर्वी हा कार्यक्रम जिल्हाधिकारी कार्यालय, अहिल्यानगर येथे होणार असल्याचे जाहीर करण्यात आले होते.
निवासी उपजिल्हाधिकारी दादासाहेब गीते यांनी सर्व नियुक्ती प्राधिकाऱ्यांना या स्थळ बदलाची माहिती दिली असून, संबंधित ठिकाणी नियुक्ती आदेश वाटपाची प्रक्रिया सुरळीत पार पाडण्यासाठी कर्मचारी नियुक्त करण्याचे निर्देश दिले आहेत. तसेच, सर्व विभागप्रमुखांनी स्वतः कार्यक्रमास उपस्थित राहणे आवश्यक आहे.
स्थळ बदलामुळे गैरसोय होऊ नये यासाठी सर्व नियुक्त उमेदवारांना आजच (दि. ३ ऑक्टोबर) दूरध्वनीद्वारे या बदलाची माहिती देण्याचे निर्देशही त्यांनी दिले आहेत.
या कार्यक्रमात जिल्ह्यातील विविध शासकीय विभागांसाठी एकूण २९० उमेदवारांना नियुक्ती आदेशांचे वाटप होईल, यात खालील उमेदवारांचा समावेश आहे.
- एमपीएससीमार्फत शिफारस झालेले: १०९ उमेदवार
- अनुकंपा तत्त्वावर (गट ‘क’): ६७ उमेदवार
- अनुकंपा तत्त्वावर (गट ‘ड’): ११४ उमेदवार
या बदलामुळे सर्व संबंधितांनी नवीन स्थळाची नोंद घेऊन वेळेवर उपस्थित राहावे, असे आवाहन करण्यात आले आहे.
जिल्ह्यातील २९० उमेदवारांच्या शासकीय नियुक्तीचे आदेशाचे वितरण जिल्हाधिकारी कार्यालयाऐवजी आता पालकमंत्र्यांच्या कार्यालयातून, कार्यक्रमाचे स्थळ बदलले
स्थळ बदलामुळे गैरसोय होऊ नये यासाठी सर्व नियुक्त उमेदवारांना आजच (दि. ३ ऑक्टोबर) दूरध्वनीद्वारे या बदलाची माहिती देण्याचे निर्देश देण्यात आले आहे.
