मुंबई – महाराष्ट्र शासनाने प्रशासकीय स्तरावर महत्त्वाच्या अधिकाऱ्यांच्या बदल्या जाहीर केल्या आहेत. यात अनेक जिल्हाधिकारी आणि महानगरपालिका आयुक्तांचा समावेश आहे.
- एम. देवेंद्र सिंह, जे सध्या रत्नागिरीचे जिल्हाधिकारी म्हणून कार्यरत होते, त्यांची नियुक्ती आता महाराष्ट्र प्रदूषण नियंत्रण मंडळ, मुंबईचे सदस्य सचिव म्हणून करण्यात आली आहे.
- पिंपरी चिंचवड महानगरपालिका आयुक्त, शेखर सिंह यांची नियुक्ती नाशिकच्या कुंभमेळ्याचे आयुक्त या महत्त्वाच्या पदावर झाली आहे.
- नाशिकचे जिल्हाधिकारी, जलज शर्मा यांना नाशिक महानगर प्रदेश विकास प्राधिकरण, नाशिकचे महानगर आयुक्त म्हणून नियुक्त करण्यात आले आहे.
- जळगावचे जिल्हाधिकारी, आयुष प्रसाद यांची आता नाशिकचे जिल्हाधिकारी म्हणून बदली करण्यात आली आहे.
- जिल्हा परिषद ठाणेचे मुख्य कार्यकारी अधिकारी, रोहन घुगे यांची नियुक्ती जळगावचे जिल्हाधिकारी या पदावर झाली आहे.
- मुंबईच्या शिवशाही पुनर्वसन प्रकल्पाचे व्यवस्थापकीय संचालक, संजय कोलते यांची रिक्त असलेल्या पुण्याचे साखर आयुक्त या पदावर नियुक्ती झाली आहे.
- महाराष्ट्र राज्य रस्ते विकास महामंडळ, मुंबईचे सहव्यवस्थापकीय संचालक, मनोज जिंदाल यांची रत्नागिरीचे जिल्हाधिकारी म्हणून नियुक्ती करण्यात आली आहे.
