संगमनेर – संगमनेर शहरातील शिवाजीनगर परिसरातील वैदु वस्तीतील नागरिकांची मागणी पूर्ण करत, आमदार सत्यजीत तांबे यांच्या विशेष प्रयत्नातून नागरिकांसाठी उभारण्यात येणाऱ्या सामाजिक सभागृहाच्या विस्तारीकरणाचे भूमिपूजन दीपावली पाडव्याच्या शुभ मुहूर्तावर मोठ्या उत्साहात पार पडले. आ. तांबे यांनी यासाठी आपल्या स्थानिक विकास निधीतून तब्बल १० लाखांचा भरघोस निधी मंजूर केला आहे.
नगरपालिकेच्या जागेवर हे अत्याधुनिक सभागृह विस्तारले जाणार आहे. या महत्त्वाकांक्षी कामामुळे परिसरातील नागरिकांना लवकरच विवाह समारंभ, सामाजिक सोहळे, सांस्कृतिक कार्यक्रम तसेच शैक्षणिक उपक्रमांसाठी एक आधुनिक, प्रशस्त आणि सुसज्ज सुविधा उपलब्ध होणार आहे. यामुळे वस्तीतील नागरिकांची अनेक वर्षांची मागणी पूर्ण झाली आहे.
यावेळी बोलताना आमदार सत्यजीत तांबे यांनी, संगमनेरसह मतदार संघातील प्रत्येक समाजघटकाचा सर्वांगीण विकास करणे, हेच माझे ध्येय आहे. दीपावली पाडव्याच्या शुभ मुहूर्तावर वैदु वस्तीत होणाऱ्या या सभागृहाचा फायदा येथील तरुण पिढी आणि सर्वसामान्य नागरिकांना नक्कीच होईल, असा विश्वास व्यक्त केला.
या भूमिपूजन सोहळ्याला माजी उपनगराध्यक्ष सोमेश्वर दिवटे, अरुण हिरे, अण्णा शिंदे, बबन गायकवाड, ताया गायकवाड, मारुती गायकवाड, हिरामण शिंदे, शंकर गायकवाड, शुभम शिंदे, अनिल गायकवाड आदी मान्यवर आणि परिसरातील नागरिक मोठ्या संख्येने उपस्थित होते.
दिवाळी पाडव्याचा ‘विकास पाडवा’! आमदार तांबेंच्या प्रयत्नातून संगमनेरच्या वैदु वस्तीत १० लाखांच्या अत्याधुनिक सामाजिक सभागृहाचे भूमिपूजन!
नगरपालिकेच्या जागेवर हे अत्याधुनिक सभागृह विस्तारले जाणार आहे. या महत्त्वाकांक्षी कामामुळे परिसरातील नागरिकांना लवकरच विवाह समारंभ, सामाजिक सोहळे, सांस्कृतिक कार्यक्रम तसेच शैक्षणिक उपक्रमांसाठी एक आधुनिक, प्रशस्त आणि सुसज्ज सुविधा उपलब्ध होणार आहे.
