बिहार विधानसभा निवडणुकीत राष्ट्रीय लोकशाही आघाडी (NDA) ला स्पष्ट बहुमत मिळालं असून, भाजप सर्वात मोठा पक्ष ठरला आहे. निवडणूक निकालानंतर पंतप्रधान नरेंद्र मोदी यांनी जनतेशी संवाद साधून त्यांचे आभार व्यक्त केले. त्यांनी म्हटलं की, विकसित आणि समृद्ध बिहारसाठी जनतेने NDA ला २०१० नंतरचा सर्वात मोठा जनादेश दिला आहे.
मोदींनी लोकनायक जयप्रकाश नारायण आणि भारतरत्न कर्पुरी ठाकूर यांना नमन करून बिहारच्या विकासाला नव्या उंचीवर नेण्याचा संकल्प व्यक्त केला. तसेच, त्यांनी काँग्रेसवर जोरदार हल्लाबोल करत, पक्षाकडे देशासाठी सकारात्मक दृष्टिकोन नसल्याचं सांगितलं आणि नकारात्मक राजकारण केल्याचा आरोप केला.
या संवादात, सरकारने छठ पूजेला युनेस्कोच्या यादीत समाविष्ट करण्यासाठी प्रयत्न करत असल्याचं नमूद केलं, ज्यामुळे या पूजेचं सांस्कृतिक महत्त्व जागतिक स्तरावर दिसून येईल. जनतेचा विश्वास दाखवल्याबद्दल आभार मानत, बिहारमध्ये आता ‘जंगलराज’ परत येणार नाही, असा ठाम विश्वास मोदींनी व्यक्त केला.
बिहार निवडणुकीत NDA ला स्पष्ट बहुमत; पंतप्रधान मोदींनी साधला जनतेशी संवाद!
जनतेच विश्वास दाखवल्याबद्दल आभार मानत, बिहारमध्ये आता 'जंगलराज' परत येणार नाही, असा ठाम विश्वास मोदींनी व्यक्त केला.
