संगमनेर – संगमनेर नगर परिषद निवडणुकीसाठी अखेर उमेदवारी अर्ज दाखल करण्यास प्रारंभ झाला आहे. शुक्रवारी प्रभाग क्रमांक ११ ब मध्ये शेहबाज शेख या एकमेव उमेदवाराचा अर्ज दाखल झाला होता तर मंगळवारी नगराध्यक्षपदासह सात जणांनी उमेदवारी अर्ज दाखल केल्याने एकूण उमेदवारांची संख्या आठवर गेली असल्याची माहिती निवडणूक निर्णय अधिकाऱ्यांकडून देण्यात आली आहे.
साधारणत: वर्षभरापूर्वी झालेल्या विधानसभा निवडणुकीत काँग्रेस नेते राज्याचे माजी मंत्री बाळासाहेब थोरात यांना धक्कादायक पराभवाला सामोरे जावे लागले. त्यानंतर संगमनेरच्या राजकारणात मोठे फेरबदल झाले असून आता नगरपालिका निवडणुकीच्या पार्श्वभूमीवर संगमनेर ‘हॉट’ बनले आहे. यामुळे शहरातील वातावरण चांगलेच तापले असून अद्याप महाविकास आघाडी आणि महायुतीकडून उमेदवार जाहीर झाल्या नसल्याने व उमेदवारी अर्ज दाखल करण्याचे शेवटचे दोन दिवस उरल्याने उमेदवारी अर्ज यांचा सस्पेन्स वाढला आहे.
नगराध्यक्षपद सर्वसाधारण महिलेसाठी राखीव असल्याने या जागेसाठी बेपारी शबाना रईस यांनी शनिवारी उमेदवारी अर्ज दाखल केला.
नगरसेवक पदासाठी दाखल करण्यात आलेले उमेदवारी अर्ज खालील प्रमाणे (कंसात प्रभाग)
खरे प्रिया विलास (प्रभाग १३अ)
डुकरे अमोल राजेंद्र (प्रभाग १३ ब)
कतारी कविता अमर (प्रभाग १३ अ)
कतारी पूजा त्रिलोक (प्रभाग ७ अ)
शिंदे नारायण सावळेराम (प्रभाग ७ ब)
इनामदार अतिक कमरुद्दीन (प्रभाग ९ अ)
संगमनेर नगरपरिषद नगराध्यक्षपदासाठी एक तर नगरसेवकपदासाठी सात उमेदवारी अर्ज दाखल… इच्छुकांमध्ये यांचा आहे समावेश
नगरपालिका निवडणुकीच्या पार्श्वभूमीवर संगमनेर 'हॉट' बनले आहे.
