संगमनेर नगर पालिका निवडणूक: अमोल डुकरे यांचा प्रभाग क्र. १३ मधून उमेदवारी अर्ज दाखल!

संगमनेर : शिवसेना (उद्धव बाळासाहेब ठाकरे) पक्षाचे निष्ठावान युवा कार्यकर्ते आणि युवासेना विधानसभा प्रमुख अमोल राजेंद्र डुकरे यांनी संगमनेर नगर पालिका निवडणूकीसाठी शनिवारी, (दि. १५) प्रभाग क्र. १३ (सर्वसाधारण पुरुष गट) मधून अपक्ष उमेदवारी अर्ज दाखल केला.

डुकरे हे संगमनेर शहराचा मानाचा पहिला गणपती असलेल्या श्री सोमेश्वर रंगारगल्ली मित्र मंडळाचे उपाध्यक्ष असून, माजी नगरसेवक स्व. दत्तात्रय डुकरे (पाथरवट) यांचे नातू आहेत. यामुळे स्थानिक नागरिक व युवा-वयस्कर नागरिकांमध्ये त्यांची चांगली ओळख आहे. अमोल डुकरे पक्षाच्या प्रत्येक कार्यक्रम, मोर्चा आणि सामाजिक कार्यात सक्रिय सहभाग घेतात.

त्यांनी संगमनेर शहर व प्रभाग १३ मधील रंगारगल्ली, चव्हाणपुरा, साळीवाडा, पंपिंग स्टेशन, घोडेकर मळा यांसह इतर भागांमध्ये शहर व स्थानिक पदाधिकारी यांच्यासोबत घेऊन शिवसेनेचे (ठाकरे गट) काम करत ‘मशाल’ चिन्ह घरोघरी पोहोचवण्याचे काम केले आहे. सध्या अमोल डुकरे यांची उमेदवारी शिवसेना (ठाकरे गट) कडून फायनल झाल्याची चर्चा सुरू आहे. त्यांच्या उमेदवारीमुळे प्रभाग क्र. १३ मधील निवडणुकीत मोठी चुरस पाहायला मिळण्याची शक्यता आहे.