संगमनेरमध्ये धावपटूंचा महाकुंभ; मालपाणी स्मृती सफायर-मॅरेथॉनला दोन हजार नागरिकांचा उत्स्फूर्त प्रतिसाद

संगमनेर, प्रतिनिधी – 

संगमनेर मध्ये आयोजित करण्यात आलेल्या मॅरेथॉन स्पर्धेमध्ये शालेय विद्यार्थ्यांपासून ते ज्येष्ठ नागरिकांपर्यंत सुमारे दोन हजार धावपटूंनी सहभाग नोंदवून संगमनेरच्या क्रीडा क्षेत्रात नवा इतिहास घडविला. संगमनेरकरांमधील ही आरोग्यविषयक जागरूकता शहराच्या उज्ज्वल भविष्याचे प्रतीक असल्याची भावना क्लबचे संस्थापक अध्यक्ष गिरीश मालपाणी यांनी यावेळी व्यक्त केली.

मालपाणी उद्योग समूहाचे अध्वर्यू स्व. माधवलालजी मालपाणी यांच्या स्मृती प्रीत्यर्थ लायन्स क्लब संगमनेर सफायरने आयोजित केलेली मॅरेथॉन स्पर्धा उत्साहात संपन्न झाली. दैनंदिन धकाधकीच्या जीवनात शरीराला व्यायामाची सवय लागावी आणि निरोगी आरोग्याचा संदेश घराघरांत पोहोचावा, या उद्देशाने आयोजित या स्पर्धेत ७ किलोमीटर आणि १० किलोमीटर अशा दोन गटांचा समावेश होता. 

लायन्स क्लबचे डिस्ट्रीक्ट गव्हर्नर राजेश अग्रवाल यांच्या प्रमुख उपस्थितीत ही स्पर्धा पार पडली. यावेळी अग्रवाल यांनी भव्य आयोजनाबद्दल क्लबचे कौतुक केले. या स्पर्धेत सहभागी होऊन अंतर पूर्ण करणाऱ्या प्रत्येक धावपटूला ‘प्रत्येक रनर हा विनर’ या संकल्पनेतून सुवर्णपदक आणि प्रमाणपत्र देऊन सन्मानित करण्यात आले. याकामी मालपाणी उद्योग समूह, स्वदेश उद्योग समूह आणि समता पतसंस्थेचे विशेष सहकार्य लाभले.

स्पर्धेच्या यशस्वी नियोजनासाठी लायन्स क्लबचे अध्यक्ष कल्याण कासट, सचिव सुमीत मणियार, खजिनदार नामदेव मुळे आणि प्रकल्प प्रमुख सुनीता मालपाणी यांच्या मार्गदर्शनाखाली मोठ्या टीमने परिश्रम घेतले. यामध्ये कृष्णा आसावा, अतुल अभंग, चैतन्य काळे, अक्षय गोरले, कल्पेश मर्दा, गिरीश मालपाणी, श्रीनिवास भंडारी, प्रफुल्ल खिवंसरा, महेश डंग, डॉ. अमोल पाठक, राजेश रा. मालपाणी, अजित भोत, उमेश कासट, सीए प्रशांत रुणवाल, देविदास गोरे, धनंजय धुमाळ, जितेंद्र पाटील, विशाल थोरात, हरमीतसिंग डंग, संदीप गुंजाळ, संतोष अभंग, रोहित मणियार, हरज्योतसिंग बत्रा, शुभम तवरेज, अनन्या धुमाळ, डॉ. मधुरा पाठक, मंजुषा भोत, नम्रता अभंग, प्रीती काळे, प्रियंका कासट, वंदना मणियार, मीनल अभंग, अंजली पाटील, चैताली जोर्वेकर आणि पायल शहा या सर्व सदस्यांचा प्रकल्प समितीमध्ये समावेश होता. या सर्वांच्या सांघिक प्रयत्नांमुळेच ही स्पर्धा यशस्वीपणे पार पडली.

📌 नियमित चालणे, धावणे इत्यादी व्यायाम निरोगी शरीरासाठी अत्यंत आवश्यक आहेत. रोजच्या धकाधकीच्या जीवनातून एक दिवस स्वतःसाठी देऊन धावण्याच्या व्यायाममधून चांगल्या सवयी शरीराला लागाव्यात. निरोगी आयुष्य हीच यशाची खरी गुरुकिल्ली आहे. असा संदेश देण्यात आम्ही यशस्वी झालो. गिरीश मालपाणी.