शिक्षण प्रसारक संस्थेच्या संचालक मंडळाच्या एकूण जागांसाठी तब्बल ३१ उमेदवार रिंगणात होते. यापैकी ३० उमेदवार हे संजय मालपाणी यांच्या नेतृत्वाखालील अधिकृत पॅनलचे होते. ही निवडणूक बिनविरोध व्हावी यासाठी सत्ताधारी गटाकडून प्रयत्न झाले, परंतु ॲड. संग्राम जोंधळे यांनी आपला उमेदवारी अर्ज मागे न घेता निवडणुकीच्या मैदानात ठाम राहण्याचा निर्णय घेतला. त्यांच्या या भूमिकेमुळे संस्थेची निवडणूक बिनविरोध होण्याची शक्यता हुकली आणि मतदान प्रक्रिया पार पडली.
या निवडणुकीच्या निकालानंतर मालपाणी पॅनलच्या समर्थकांनी जल्लोष करत विजयाचे स्वागत केले. परंतु, त्याच वेळी ॲड. जोंधळे यांना मिळालेल्या मतटक्क्यामुळे संस्थेच्या अंतर्गत कारभारावर पडदा पडू शकलेला नाही. संस्थेच्या विद्यमान कारभाराविषयी, निर्णयप्रक्रियेतील पारदर्शकतेबद्दल आणि नेतृत्वशैलीबाबत काही सभासदांमध्ये छुपी नाराजी असल्याचे या मतदानातून स्पष्टपणे समोर आले आहे. ही नाराजीच मतांच्या रूपाने ॲड. जोंधळे यांच्या पारड्यात पडल्याचे मत काही ज्येष्ठ सभासदांकडून व्यक्त केले जात आहे.
शिक्षण प्रसारक संस्थेच्या निवडणुकीत विजय झालेले उमेदवार आणि त्यांना मिळालेली मते खालीलप्रमाणे आहेत….
