या पार्श्वभूमीवर, घटनेच्या २८ दिवसांच्या आतच न्यायालयाने मुख्य आरोपी भीमराव कांबळे याच्यावर न्यायालयीन प्रक्रियेनुसार सर्व आरोप निश्चित केले आहेत. आरोपीविरोधात ‘प्राईमा फेसी’ (प्रथमदर्शनी) सबळ पुरावे असल्याचे निरीक्षण नोंदवत न्यायालयाने आता या खटल्याची सुनावणी दररोज ‘इन कॅमेरा’ पद्धतीने घेण्याचा निर्णय घेतला आहे.
१ मे रोजी नसरापूर येथे ६५ वर्षीय भीमराव कांबळे याने घरासमोर खेळणाऱ्या चिमुकलीवर गोठ्यात अत्याचार करून तिची दगडाने ठेचून हत्या केली होती व मृतदेह शेणाच्या ढिगाऱ्याखाली लपवला होता. सीसीटीव्ही फुटेजच्या आधारे हा प्रकार उघडकीस आला होता. या प्रकरणात पीडितेच्या कुटुंबीयांना लवकरात लवकर न्याय मिळवून देण्यासाठी पोलीस प्रशासन आता दैनंदिन सुनावणीसाठी पूर्णपणे सज्ज झाले आहे.
