शनी मंदिर परिसर हा शहरातील अत्यंत गजबजलेला भाग म्हणून ओळखला जातो. या परिसरात ज्येष्ठ नागरिक, महिला, लहान मुले आणि विद्यार्थ्यांची सतत मोठी वर्दळ असते. असे असतानाही केवळ महिनाभरापूर्वी लाखो रुपयांचा निधी खर्च करून येथे दगडी रस्ता तयार करण्यात आला होता. मात्र, पहिल्या काही दिवसांतच या रस्त्याची अवस्था अत्यंत दयनीय झाली असून, आख्खे दगडच्या दगड मोकळे होऊन रस्त्यावर अस्ताव्यस्त पसरले आहेत. हा रस्ता चालण्यायोग्य तर राहिला नाहीच, उलट वाहनधारकांसाठी आणि पादचाऱ्यांसाठी एक धोकादायक मृत्यूचा सापळा बनला आहे. रस्त्यावरून उखडलेल्या या दगडांमुळे येथे दररोज लहान-मोठे अपघात घडत आहेत. एखाद्या निष्पाप नागरिकाला गंभीर दुखापत झाल्यावर किंवा कोणाचा जीव गेल्यावरच या सुस्त प्रशासनाला जाग येणार का, असा बोचरा आणि संतप्त सवाल आता सामान्य जनता उपस्थित करत आहे.
अन्यथा ‘शिवसेना स्टाईल’ आंदोलन
