पाच कोटींच्या सोने तस्करी प्रकरणी भाजप पदाधिकाऱ्यासह सात जणांना अटक
बँकॉकहून मुंबईमार्गे प्रवास करणाऱ्या बांगलादेशी आणि श्रीलंकन नागरिकांनी २४ कॅरेट सोन्याची भुकटी मेणात लपवून भारतात आणली होती.
६ जून २०२६ रोजी पहाटे विमानतळाजवळील ‘हॉटेल फेअरमॉँट’ परिसरात डीआरआय अधिकाऱ्यांनी सापळा रचून ही कारवाई केली. विमानतळ कर्मचाऱ्यांच्या मदतीने हे सोने विमानतळाबाहेर पोहोचवण्याचा कट होता, मात्र गुप्त माहितीच्या आधारे अधिकाऱ्यांनी आरोपींना रंगेहात पकडले.
पुढील विमान प्रवासासाठी निघण्याच्या तयारीत असतानाच त्यांना ताब्यात घेऊन कारवाई करण्यात आली. बांगलादेशी आणि श्रीलंकेच्या नागरिकांकडून तस्करीचे सोने स्वीकारून ते विमानतळाबाहेर पोहोचविण्यात काही विमान कर्मचाऱ्यांचा सहभाग असल्याची माहिती डीआरआयला मिळाली होती.
