आदिवासी बांधवांच्या विविध प्रश्नांवर चर्चा करण्यासाठी आणि समाजाला नवी दिशा देण्यासाठी ज्येष्ठ नेते व माजी मंत्री बाळासाहेब थोरात यांच्या मार्गदर्शनाखाली बुधवारी (दिनांक १ जुलै) कोळवाडे येथे सकाळी १० वाजता भव्य आदिवासी मेळाव्याचे आयोजन करण्यात आले आहे.
गोरगरीब आणि आदिवासी बांधवांच्या सर्वांगीण विकासासाठी सातत्याने कटिबद्ध असणारे माजी मंत्री बाळासाहेब थोरात यांच्या मार्गदर्शनाखाली शबरी माता संघटना व सकल आदिवासी समाज यांच्या संयुक्त विद्यमाने कोळवाडे येथील जय हिंद आदिवासी आश्रम शाळा परिसरात हा मेळावा पार पडणार आहे.
या महत्त्वपूर्ण मेळाव्याला महाराष्ट्राचे ज्येष्ठ नेते बाळासाहेब थोरात यांच्यासह माजी आमदार डॉ. सुधीर तांबे, आमदार सत्यजित तांबे आणि संगमनेर तालुका युवक काँग्रेसच्या अध्यक्षा डॉ. जयश्रीताई थोरात यांची प्रमुख उपस्थिती लाभणार आहे.
तसेच शबरी माता संघटनेचे प्रदेशाध्यक्ष दीपकभाऊ बर्डे, महाराष्ट्र प्रदेश आदिवासी काँग्रेसच्या उपाध्यक्ष गिरीजा पिचड, तालुकाध्यक्ष अजय फटांगरे आणि महिला प्रदेशाध्यक्ष सुनिता अहिरे यांच्यासह प्रदीप अहिरे, शरद पवार, कल्पनाताई धारवड, सतीश पवार, आशाताई बर्डे, संतोष माळी, कैलास राजपूत, रावसाहेब ठाकरे, बाळू भिल्ल, सुरज माळी, रामदास पवार, राहुल माळी, रमेश पवार, रवींद्र माळी व रामदास माळी आदी विविध क्षेत्रांतील मान्यवर उपस्थित राहणार आहेत.
या भव्य मेळाव्याला संगमनेर व अकोले तालुक्यातील सर्व आदिवासी बांधवांनी मोठ्या संख्येने उपस्थित राहावे, असे आवाहन शबरी माता संघटना व सकल आदिवासी समाजाच्या वतीने करण्यात आले आहे.
