महाराष्ट्र संवाद न्यूज ऑनलाईन
संगमनेर:
संगमनेर येथील ‘मालपाणी हेल्थ क्लब’ येथे गुरुवारी ‘कडलग इन्व्हेस्टमेंट’तर्फे आयोजित करण्यात आलेल्या विशेष आर्थिक साक्षरता कार्यशाळेला गुंतवणूकदारांचा प्रचंड प्रतिसाद मिळाला. दोन तासांहून अधिक काळ चाललेल्या या सत्रात उपस्थितांनी आर्थिक नियोजन आणि संपत्ती निर्मितीविषयक मार्गदर्शन घेतले.
सुरत येथील प्रसिद्ध प्रशिक्षक व आर्थिक तज्ज्ञ पलक शाह यांनी या कार्यशाळेत मुख्य मार्गदर्शन केले. त्यांनी दैनंदिन जीवनातील सोपी उदाहरणे देत आर्थिक शिस्त, ध्येय-आधारित गुंतवणूक, महागाईचा प्रभाव, चक्रवाढ व्याजाची ताकद, एसआयपी, वारसा नियोजन आणि मृत्युपत्राचे महत्त्व यांसारख्या मुद्द्यांवर उपस्थितांना मार्गदर्शन केले.
कार्यक्रमाचे उद्घाटन बालरोगतज्ज्ञ डॉ. ओमप्रकाश सिकची यांच्या हस्ते झाले. या प्रसंगी व्यासपीठावर ‘एनजे वेल्थ’चे विभागीय प्रमुख विक्रमसिंह परदेशी, लेखापरीक्षक सोपानराव देशमुख, ‘कडलग इन्व्हेस्टमेंट’चे संस्थापक सुनील कडलग, आदित्य कडलग आणि मुख्याध्यापिका वृषाली कडलग उपस्थित होते. कार्यक्रमात उद्घाटक डॉ. ओमप्रकाश सिकची यांचा सत्कार पत्रकार किसन हासे यांच्या हस्ते, तर प्रमुख वक्ते पलक शाह यांचा सत्कार उद्योजक सुदीप वाकळे यांच्या हस्ते करण्यात आला.
‘कडलग इन्व्हेस्टमेंट’ने संपत्ती व्यवस्थापन क्षेत्रात दोन दशके पूर्ण केल्याबद्दल, तसेच व्यवस्थापनाखालील मालमत्ता (AUM) २०० कोटी रुपये आणि मासिक एसआयपी बुक २ कोटी रुपयांच्या पुढे नेल्याच्या निमित्ताने या कार्यशाळेचे आयोजन करण्यात आले होते.
या कार्यक्रमादरम्यान शिस्तबद्ध गुंतवणूक करून महत्त्वाचे आर्थिक उद्दिष्ट गाठणाऱ्या पाच प्रमुख गुंतवणूकदारांचा सत्कार करण्यात आला. यामध्ये डॉ. उमेश जोशी, शैला रामनाथ देशमुख (वाकचौरे), प्रा. सुनीलदत्त सोमनाथ कडलग, अनिल किसनराव कडलग आणि सुधाकर सखाराम शेटे यांचा समावेश होता. या गुंतवणूकदारांचा सत्कार अनुक्रमे नितीन हासे, सोपानराव देशमुख, प्रवीण वाबळे, रंगनाथ उगले आणि विवेक कासार यांच्या हस्ते झाला.
आपल्या मनोगतात डॉ. ओमप्रकाश सिकची यांनी ‘कडलग इन्व्हेस्टमेंट’च्या पारदर्शक व नैतिक सेवांचे कौतुक केले. तसेच विक्रमसिंह परदेशी यांनी सुनील कडलग यांच्या दोन दशकांच्या सातत्यपूर्ण आर्थिक साक्षरतेच्या प्रयत्नांचा गौरव केला. या वेळी आदित्य कडलग यांच्या माध्यमातून सुरू झालेल्या दुसऱ्या पिढीने सेबीच्या नवीन ‘स्पेशलाइज्ड इन्व्हेस्टमेंट फंड (SIF)’, ‘PMS’ आणि ‘AIF’ या सेवांची माहिती दिली.
कार्यक्रमाचे सूत्रसंचालन सौरभ म्हाळस यांनी केले आणि आभार आदित्य कडलग यांनी मानले. हा कार्यक्रम यशस्वी करण्यासाठी शुभम सोमवंशी, सूरज म्हस्के, स्वाती सरमाडे, मानसी उपासनी, प्रतीक्षा सानप, आकांक्षा डोंगरे व दर्शन गुंजाळ यांनी विशेष परिश्रम घेतले.
