संगमनेर तालुका फोटोग्राफर असोसिएशनच्या अध्यक्षपदी साई दिघे, उपाध्यक्षपदी निलेश शिंदे तर सुनील राहणे यांची सचिवपदी एकमताने निवड करण्यात आली आहे.
आठवणी आणि जीवनातील प्रत्येक क्षण कायमस्वरूपी आनंदी ठेवण्यासाठी फोटो हे अत्यंत महत्त्वाचे असतात. संगमनेर तालुका फोटोग्राफर असोसिएशनच्या नुकत्याच पार पडलेल्या बैठकीत नव्या कार्यकारिणीची घोषणा करण्यात आली आहे.
व्यापारी असोसिएशन येथे आयोजित करण्यात आलेल्या या कार्यक्रमात सुरुवातीला पद्मश्री रघुवीर खेडकर आणि ज्येष्ठ इतिहास संशोधक डी. बी. राठी सर यांचा विशेष सत्कार करण्यात आला. त्यानंतर पार पडलेल्या असोसिएशनच्या वार्षिक बैठकीमध्ये नवीन पदाधिकाऱ्यांची बिनविरोध निवड करण्यात आली.
या असोसिएशनच्या नवनिर्वाचित कार्यकारिणीमध्ये ज्येष्ठ फोटोग्राफर काशिनाथ गोसावी, प्रवीण दिघे, ओंकार कोदे, सलीम पटेल, पंकज देशमुख, गोपाल बोराडे, अमोल नवले, ऋषी दुबे, तानाजी हळनर, अक्षय कोटकर, संतोष दिघे, चेतन कढणे, विठ्ठल जोंधळे, अनिकेत फटांगरे, रामभाऊ भागवत, किरण डोंगरे, संदीप शेळके, निलेश मिसाळ, संतोष नाईकवाडी, दीपक घुले, शहाजी काळे, संतोष देशमुख, गोविंद गोसावी, राजेंद्र गुळवे, राजेंद्र जगताप व विवेक गुंजाळ या सर्व सदस्यांचा समावेश आहे.
या निवडीबद्दल माजी मंत्री बाळासाहेब थोरात, माजी आमदार डॉ. सुधीर तांबे, आमदार सत्यजित तांबे, कांचनताई थोरात, दुर्गाताई तांबे, डॉ. जयश्रीताई थोरात, डॉ. मैथिलीताई तांबे, पांडुरंग पाटील घुले, रणजितसिंह देशमुख आणि कारखान्याचे कार्यकारी संचालक जगन्नाथ घुगरकर यांच्यासह विविध क्षेत्रांतील मान्यवरांनी नवनिर्वाचित पदाधिकाऱ्यांचे अभिनंदन केले आहे.
