थोरात सहकारी साखर कारखान्याच्या गळीत हंगामाचा उद्या शुभारंभ; जाणून घ्या कितवा आहे हा हंगाम!

महाराष्ट्र संवाद न्यूज ऑनलाईन-

सहकारमहर्षी भाऊसाहेब थोरात सहकारी साखर कारखान्याच्या गळीत हंगामाचा शुभारंभ उद्या बुधवारी (१४ ऑक्टोंबर) होत आहे. काँग्रेसचे ज्येष्ठ नेते राज्याचे माजी मंत्री बाळासाहेब थोरात आणि त्यांच्या पत्नी कांचनताई यांच्या हस्ते हा शुभारंभ सोहळा पार पडणार असल्याची माहिती कारखान्याचे उपाध्यक्ष पांडुरंग पाटील घुले यांनी दिली आहे.

ऊस उत्पादकांसाठी महत्त्वपूर्ण ठरणाऱ्या आणि राज्यातील नावलौकिक प्राप्त थोरात कारखान्याचा यंदाचा ६० वा गळीत हंगाम आहे. नाशिक पदवीधर मतदार संघाचे आमदार सत्यजित तांबे, माजी आमदार डॉ. सुधीर तांबे, माजी नगराध्यक्ष दुर्गाताई तांबे, युवक काँग्रेसच्या अध्यक्ष डॉ. जयश्रीताई थोरात, संगमनेरच्या नगराध्यक्ष डॉ. मैथिलीताई तांबे यांच्या प्रमुख उपस्थितीमध्ये हा सोहळा होत आहे.

राज्यात दिशादर्शक आणि लौकिकास्पद ठरलेल्या या कारखान्याने माजी मंत्री बाळासाहेब थोरात यांच्या नेतृत्वाखाली कायम ऊस उत्पादक शेतकरी आणि कामगारांचे हित जोपासले आहे. उत्कृष्ट व्यवस्थापन आणि सातत्याने दिलेला चांगला दर यामुळे कारखान्याने कार्यक्षेत्राबाहेरील शेतकऱ्यांचाही मोठा विश्वास संपादन केला असल्याचे पांडुरंग घुले यांनी म्हटले आहे.

या कार्यक्रमाला अहिल्यानगर जिल्हा बँकेचे नवनिर्वाचित संचालक रणजितसिंह देशमुख, कारखान्याचे माजी अध्यक्ष बाबा ओहोळ, माधवराव कानवडे, बाजार समितीचे सभापती शंकरराव खेमनर, माजी जिल्हा परिषद सदस्य आर. एम. कातोरे, काँग्रेसचे कार्याध्यक्ष अमोल शेलकर, तालुकाध्यक्ष अजय फटांगरे, शहराध्यक्ष सोमेश्वर दिवटे, उपनगराध्यक्ष नूर मोहम्मद शेख आदींसह तालुक्यातील विविध संस्थांचे पदाधिकारी उपस्थित राहणार आहेत.

या शुभारंभप्रसंगी सर्व सभासद, ऊस उत्पादक शेतकरी, पदाधिकारी व कार्यकर्त्यांनी मोठ्या संख्येने उपस्थित राहावे, असे आवाहन कारखान्याच्या संचालक मंडळासह कार्यकारी संचालक जगन्नाथ घुगरकर यांनी केले आहे.