महाराष्ट्र संवाद न्यूज
सहकाराला दिशादर्शक ठरलेल्या संगमनेरच्या सहकार महर्षी भाऊसाहेब थोरात सहकारी साखर कारखान्याच्या ऊस गळीत हंगामाचा शुभारंभ रविवारी १६ ऑक्टोबरला काँग्रेस पक्षाचे विधिमंडळ गटनेते आमदार बाळासाहेब थोरात त्यांच्या पत्नी कांचनताई यांच्या हस्ते होत आहे.
नासिक पदवीधर मतदारसंघाचे आमदार डॉ. सुधीर तांबे या कार्यक्रमाचे प्रमुख अतिथी, तर अध्यक्षस्थानी कारखान्याचे अध्यक्ष बाबा ओहोळ राहणार असल्याची माहिती देण्यात आली आहे. 
दिवंगत सहकार महर्षी भाऊसाहेब थोरात यांनी सुरू केलेला हा कारखाना आज राज्यात आणि देशभरात सहकारी चळवळीचा मापदंड ठरला आहे. आमदार बाळासाहेब थोरात यांच्या नेतृत्वाखाली कार्यरत असलेल्या या कारखान्याने ऊस उत्पादक शेतकऱ्यांना सर्वाधिक भाव देणारा कारखाना म्हणून ओळख निर्माण केली आहे. 
दिवंगत भाऊसाहेब थोरात यांची कडवी शिस्त, काटकसर, पारदर्शकता व उत्कृष्ट व्यवस्थापन आणि आमदार बाळासाहेब थोरात यांच्या कुशल मार्गदर्शनामुळे या साखर कारखान्याने देशात आदर्श निर्माण केला आहे. 
ऊस गळीत हंगाम शुभारंभाप्रसंगी ज्येष्ठ नेते बाजीराव खेमनर, ॲड. माधवराव कानवडे, नगराध्यक्ष दुर्गाताई तांबे, सत्यजीत तांबे, रणजितसिंह देशमुख, इंद्रजित थोरात, डॉ. जयश्री थोरात, सुनंदा जोर्वेकर, मिरा शेटे, शंकर खेमनर, लक्ष्मण कुटे, राजेश मालपाणी, संपत डोंगरे, रामहरी कातोरे, अजय फटांगरे, मिलींद कानवडे, ॲड. सुहास आहेर, सोमेश्वर दिवटे, प्रा. बाबा खरात, प्रमिला अभंग, निखील पापडेजा आदी उपस्थित राहणार आहे. 
तरी या कार्यक्रमासाठी सर्व सभासद, ऊस उत्पादक व शेतकरी बांधवांनी मोठ्या संख्येने उपस्थित रहावे असे आवाहन कारखान्याचे उपाध्यक्ष संतोष असे व कार्यकारी संचालक जगन्नाथ घुगरकर यांनी केले आहे.
