महाराष्ट्र संवाद न्यूज नेटवर्क
कारागृहातून रजेवर गेलेला कैदी अद्याप परतला नाही, तब्बल वर्षानंतर जाग्या झालेल्या कारागृह प्रशासनाने या संदर्भात पोलीस ठाण्यात गुन्हा दाखल केला आहे. प्रकाश कांतीलाल पंचाळ असे या कायद्याचे नाव असून तो नाशिकच्या मध्यवर्ती कारागृहात शिक्षा भोगत होता.
कारागृहात शिक्षा भोगत असताना पंचाळ याने कारागृह प्रशासनाकडे काही दिवसांसाठी सुट्टीची मागणी केली होती. नाशिक रोड कारागृह प्रशासनाने त्याला 30 एप्रिल 2021 ते 16 मे 2021 अशी सुट्टी मंजूर केली होती. रजेवर गेलेला हा कैदी 16 मे 2021 मध्ये पुन्हा कारागृहात येणे अपेक्षित होते. मात्र हा कैदी पुन्हा आजतागायत नाशिक रोड कारागृहात परतला नसल्याचे समोर आले आहे.
तब्बल वर्षभराचा कालावधी लोटल्यानंतर ही बाब कारागृह प्रशासनाच्या लक्षात आली. त्यानंतर कारागृह प्रशासनाच्या वतीने नाशिक रोड पोलीस ठाण्यात संबंधित कैदी फरार झाल्या संदर्भात गुन्हा दाखल करण्यात आला आहे.
कैदी प्रकाश कांतीलाल पंचाळ याचा वर्षभर शोध घेतल्यानंतर देखील तो आढळलेला नाही त्यामुळे तो फरार झाला असल्याचे लक्षात आल्याने नासिक रोड कारागृह प्रशासनाच्या वतीने इमरान हमीद सय्यद यांनी फिर्याद नाशिक रोड पोलीस ठाण्यात दाखल केली आहे. याप्रकरणी पुढील तपास वरिष्ठ पोलीस निरीक्षक अनिल शिंदे यांच्या मार्गदर्शनाखाली पोलीस उपनिरीक्षक जी. एम. काकड करत आहे.
