महाराष्ट्र संवाद न्यूज नेटवर्क
नागपूर : केंद्रीय मंत्री नितीन गडकरी यांच्या नागपूर मधील संपर्क कार्यालयात गडकरी यांना जीवे मारण्याची धमकी देणारे तीन फोन आल्याने खळबळ उडाली आहे. दरम्यान पोलिसांनी सतर्कता दाखवत गडकरी यांचे कार्यालय आणि निवासस्थानी बंदोबस्त वाढविला आहे.
धमकी देणाऱ्यांनी गडकरी यांच्या नागपूर मधील कार्यालयात फोन करून पैशाची मागणी करत जीवे मारण्याची धमकी देण्यात आल्याची माहिती मिळत असून फोनवर नेमके काय संभाषण झाले हे स्पष्ट होऊ शकलेले नाही. पहिला फोन शनिवारी सकाळी ११.२९ वाजता, दुसरा फोन ११.३५ वाजता तर तिसरा फोन १२.३२ मस्त आल्याची माहिती पुढे येत आहे.
या फोन नंतर तेथील कर्मचाऱ्यांनी तातडीने पोलिसांना ही माहिती दिली असून पोलिसांनी बंदोबस्तात वाढ केली आहे. तसेच फोन करणाऱ्या व्यक्तीचा शोध सुरू केला आहे. हे फोन नेमके कोणी केले याचा तपास पोलीस यंत्रणा करत आहे.
केंद्रीय मंत्री नितीन गडकरी यांना धमकी देणारे तीन फोन त्यांच्या कार्यालयात करण्यात आले असून हे फोन नेमके कोणी केले. याचा पोलीस तपास करत आहे. तसेच सुरक्षा व्यवस्थेत वाढ करण्यात आली असून गडकरींचे कार्यक्रम असलेल्या ठिकाणी त्यांच्या सुरक्षेची पूर्ण काळजी घेतली जात आहे.
राहुल मदने पोलीस उपायुक्त, नागपूर शहर.
