महाराष्ट्र संवाद न्यूज
पंतप्रधान नरेंद्र मोदी यांच्या दिल्लीतील ७, लोक कल्याण मार्गावरील आणि नो टाईम झोन मधील ‘पंचवटी’ बंगल्यावर सोमवारी सकाळी ड्रोन उडत असल्याचं सुरक्षा यंत्रणेच्या निदर्शनास आल्यानंतर याची माहिती तातडीने दिल्ली पोलिसांना देण्यात आली आहे. या प्रकारामुळे काही काळ खळबळ माजली होती.
पहाटे पाच वाजण्याच्या दरम्यान हा प्रकार निदर्शनास आल्यानंतर एसपीजीने (स्पेशल प्रोटेक्शन ग्रुप) याची माहिती दिल्ली पोलिसांना दिल्यानंतर दिल्ली पोलीस दलातील अनेक पोलीस अधिकारी पंतप्रधानांचे निवासस्थानी दाखल झाले होते. दरम्यान या ड्रोनबाबत अद्याप पोलिसांना तपास लागू शकला नाही.
ड्रोन नेमकं कोणाचं होतं, याबाबत दिल्ली पोलीस तपास करत आहे. तसेच ड्रोन पंतप्रधानांच्या निवासस्थानापर्यंत कसे पोहोचले? हा प्रश्न देखील अद्याप तरी अनुत्तरीत आहे. यामुळे पंतप्रधानांच्या सुरक्षा यंत्रणेवर प्रश्नचिन्ह उपस्थित केल जात आहे.
दिल्ली पोलिसांनी सांगितले की, एनडीडी नियंत्रण कक्षाला याबाबत माहिती मिळाली होती. पंतप्रधानांच्या निवासस्थानाजवळ एक उडणारी वस्तू दिसली आहे. त्यामुळे आसपासच्या परिसरात शोध घेण्यात आला मात्र अशी कोणती वस्तू अद्याप सापडलेली नाही. त्यानंतर दिल्ली पोलिसांनी एअर ट्राफिक कंट्रोल रूमशी संपर्क केला असता त्यांनाही पंतप्रधानांच्या निवासस्थानाजवळ अशी कोणतीही उडणारी वस्तू सापडलेली नाही.
