महाराष्ट्र संवाद न्यूज
संगमनेर – देशातील पहिल्या दहा अभियांत्रिकी महाविद्यालयात समावेश असलेल्या संगमनेरच्या अग्रमानांकित अमृतवाहिनी अभियांत्रिकी महाविद्यालयाच्या सिव्हिल विभागातील 76 विद्यार्थ्यांची कॅम्पस इंटरव्यूद्वारे विविध राष्ट्रीय व आंतरराष्ट्रीय कंपन्यांमध्ये मोठ्या पगारावर निवड झाली आहे, अशी माहिती प्राचार्य डॉ. एम. ए. व्यंकटेश यांनी दिली.
व्यंकटेश म्हणाले, माजी शिक्षण मंत्री आमदार बाळासाहेब थोरात व माजी आमदार डॉ. सुधीर तांबे यांच्या मार्गदर्शनाखाली अमृतवाहिनी इंजिनिअरिंग कॉलेजला ए प्लस दर्जा असून सर्व विभागांचे मानांकन झालेले आहेत. महाविद्यालयातील गुणवत्तेचे शैक्षणिक कामकाज पाहून विविध राष्ट्रीय व आंतरराष्ट्रीय कंपन्या सातत्याने कॅम्पस इंटरव्यूसाठी महाविद्यालयात येत असतात.
यावर्षी ट्रेनिंग अँड प्लेसमेंट विभागाच्यावतीने जे. एन. के. इंडिया, मुंबई कॅम्प, टावर दिल्ली, ध्रुव कन्सल्टन्सी सर्विसेस, वेल्सपण एंटरप्राइजेस लिमिटेड मुंबई, नाशिक स्थापत्य सॉफ्टवेअर लिमिटेड, के. आर. एम., कन्स्ट्रक्शन हाऊस, डिझाईन, पोलाद लिमिटेड, केपजेमिनी पुणे, टीसीएस पुणे, कॉग्निजंट पुणे या कंपन्यांमधून तीन ते पाच लाखांच्या पॅकेजवर सिव्हिल विभागातील 76 विद्यार्थ्यांची थेट निवड झाली.
याच विभागातील 40 विद्यार्थ्यांची मागील वर्षी लोकसेवा आयोगाच्या परीक्षेत निवड झाली असून हे सर्व विद्यार्थी विविध पदांवर काम करत आहेत. वाढती लोकसंख्या व त्यादृष्टीने देशात पायाभूत सुविधांचा अभाव यामुळे सिव्हिल विभागाचे महत्व वाढत आहे. पूलांची डिझाईन, कालवे, धरण, विविध रस्ते, बांधकामे, विविध बिल्डिंग या कामांसाठी शाखा अभियंत्यांचे महत्त्व वाढले आहे. या क्षेत्रात विद्यार्थ्यांचे मोठ्या प्रमाणात करिअर घडत असल्याने विद्यार्थ्यांचा या विभागाकडे मोठा ओढा असल्याचे विभाग प्रमुख डॉ. मधुकर वाकचौरे यांनी सांगितले.
विद्यार्थ्यांच्या निवडीबद्दल संस्थेचे अध्यक्ष आमदार बाळासाहेब थोरात, माजी आमदार डॉ. सुधीर तांबे, विश्वस्त शरयू देशमुख, कॅन्सर तज्ञ डॉ. जयश्री थोरात, बाजीराव खेमनर, लक्ष्मणराव कुटे, इंद्रजीत थोरात, ॲड. आर. बी. सोनवणे, मुख्य कार्यकारी अधिकारी अनिल शिंदे, प्राचार्य डॉ. व्यंकटेश, रजिस्टर प्रा. विजय वाघे, विभाग प्रमुख डॉ. मधुकर वाकचौरे आदींनी अभिनंदन केले.
