महाराष्ट्र संवाद न्यूज
संगमनेर – महाराष्ट्राच्या राजकारणात दररोज नवनवीन घडामोडी घडत आहे. शिवसेनेतून अनेक जण बाहेर पडून गद्दार मिंधे गटात सामील झाले असले, तरी शिवसेनाप्रमुख उद्धव ठाकरे यांची लोकप्रियता कमी झालेली नाही. उलट ती दिवसेंदिवस वाढत आहे. याचा फटका निवडणुकीत बसणार असल्याचे समोर दिसत असल्याने राज्यातील भाजपचे सरकार कोणत्याही निवडणुका घेत नाही. उलट निवडणुका घेण्यासाठी टाळाटाळ करत आहे, असे असले तरी आगामी निवडणुकांसाठी शिवसेनेसोबत युवा सेनेने देखील काम सुरू केल्याचे सांगत युवा सेनेच्या पदाधिकाऱ्यांनी विरोधकांवर संगमनेरात तोफ डागली. उद्धव ठाकरे युवा सेना प्रमुख आदित्य ठाकरे यांचे हात बळकट करण्यासाठी काम करण्याचे आवाहन केले.
संगमनेरमध्ये शिवसेना प्रणित युवा सेनेचा युवा संपर्क अभियान मिळावा पार पडला. युवा सेनेचे राष्ट्रीय कार्यकारिणी सदस्य अंकित प्रभू, विराज कावाडिया, विधानसभा संपर्कप्रमुख अजय व्हनोळे, शिर्डी लोकसभा विस्तारक नितेश साटम आणि शिर्डी लोकसभा मतदारसंघाचे संपर्कप्रमुख बबन नाना घोलप यांनी या मेळाव्यात युवकांना मार्गदर्शन केले. स्थानिक पदाधिकाऱ्यांसह परिसरातील युवा सेनेचे पदाधिकारी, कार्यकर्ते यावेळी उपस्थित होते.
अंकित प्रभू म्हणाले, शिवसेना सोडून 40 गद्दार आणि त्यांच्यासह इतर काही लोक बाहेर पडले आहे. या पार्श्वभूमीवर शिवसेनाप्रमुख उद्धव ठाकरे यांची लोकप्रियता समाजात वाढत आहे त्यामुळे निवडणुकीत पराभव समोर दिसत असल्याने सरकार स्थानिक स्वराज्य संस्थांच्या निवडणुका घेण्यास टाळाटाळ करत आहे. यावेळी त्यांनी भाजपवर जोरदार टीका केली.
बबन घोलप म्हणाले, शिवसेनेमध्ये यापुढील काळात जो पदाधिकारी कार्यकर्ता, प्रामाणिकपणे पक्षाचे काम करणार नाही, त्याला बाजूला करत प्रामाणिक शिवसैनिकांना संधी दिली जाणार आहे. आगामी सर्व निवडणुका या केवळ लढवायच्या नसून त्या जिंकण्याच्या उद्देशाने लढवायच्या असल्याने त्यासाठी सर्वांनी तयारी करण्याचे आवाहन केले.
अमर कतारी म्हणाले, येथील शिवसेना व युवासेना एकत्रितपणे उद्धव ठाकरे, आदित्य ठाकरे यांच्या पाठीशी खंबीरपणे उभी राहील, अशी ग्वाही त्यांनी उपस्थित पदाधिकाऱ्यांना दिली.
यावेळी विराज कावाडिया, अजय व्हनोळे, महिला आघाडी जिल्हाप्रमुख सपना मोरे, शिवसेना उपजिल्हाप्रमुख महेश हासे, अकोले तालुकाप्रमुख मनोज मोरे, संगमनेर तालुकाप्रमुख भाऊसाहेब हासे व संजय फड आदींनी मार्गदर्शन केले. सूत्रसंचालन युवा सेना शहरप्रमुख गोविंद नागरे यांनी केले. युवा सेना जिल्हाप्रमुख अमित चव्हाण यांनी स्वागत केले. शिवसेना तालुका संघटक राजू सातपुते यांनी आभार मानले.
यावेळी संगमनेर, अकोले, शिर्डी येथील युवा सेना, शिवसेना, महिला आघाडीच्या कोपरगाव शहर प्रमुख विसपुते, संगमनेरच्या आशा केदारी, संगीता गायकवाड, वैशाली वडतल्ले, युवा सेनेचे जिल्हा समन्वयक पैसल सय्यद, उपजिल्हा समन्वयक पप्पू कानकाटे, उपजिल्हाप्रमुख वैभव अभंग, तालुका समन्वयक अक्षय बिल्लाडे, विधानसभा प्रमुख अमोल डुकरे, तालुकाप्रमुख अक्षय गुंजाळ, पठार भाग प्रमुख योगेश खेमनर, युवा सेना शहर प्रमुख गोविंद नागरे, उपशहर प्रमुख अक्षय गाडे, उप तालुकाप्रमुख सागर भागवत, जना नागरे, सचिन साळवे, फरोज कतारी, शिवसेनेचे उपशहर प्रमुख मुस्लिम मावळा अजीज मोमीन, इम्तियाज शेख, दीपक वन्नम, सुदर्शन इटप, वेणुगोपाल लाहोटी, दीपक साळुंखे आदी पदाधिकारी उपस्थित होते.
