महाराष्ट्र संवाद न्यूज
अमोलराजे म्हस्के
पाथर्डी-शेवगाव :-माजी आमदार चंद्रशेखर घुले पाटील आणि सभापती डॉ. क्षितिजभैय्या नरेंद्र घुले पाटील यांच्या मार्गदर्शनाखाली शेवगाव तालुका राष्ट्रवादी काँग्रेस पक्ष आणि घुले पाटील प्रणित असंघटित कामगार संघटनेच्या वतीने नोंदणीकृत इमारत व इतर बांधकाम कामगारांना विविध योजना सुरू करण्यासाठी शेवगावच्या तहसील कार्यालयावर शांततेच्या मार्गाने मोर्चा काढण्यात आला.
का काढला मोर्चा: महाराष्ट्र इमारत व इतर बांधकाम कामगार कल्याणकारी मंडळाकडे हजार कोटी रुपये शिल्लक असतानासुद्धा बांधकाम कामगाराच्या विविध मागण्यांची पूर्तता करण्यासंदर्भात महाराष्ट्र राज्य इमारत बांधकाम व कल्याण मंडळाकडे कामगार मागणी करूनसुद्धा मंडळाकडून दखल न घेतल्यान या कामगारांनी प्रशासनाचे लक्ष वेधण्यासाठी हा मोर्चा काढला.
या आहेत मागण्या: मोर्चेकरी कामगारांनी यावेळी विविध मागण्या तालुका प्रशासनापुढे मांडल्या. बांधकाम कामगारांना मध्यांना भोजन मिळत आहे, यामध्ये मोठ्या प्रमाणात अपहार होत आहे. या भोजनाऐवजी कामगारांच्या खात्यात रक्कम दर महिन्याला शासनाने जमा करावी. इमारत व इतर बांधकाम कामगारांसाठी स्वतंत्र मेडिक्लेम योजना पुन्हा सुरू करावी, घर बांधण्यासाठी ग्रामीण भागात पाच लाख रुपये तर शहरी भागात आठ लाख रुपये विनाफेड अनुदान बांधकाम मंडळातर्फे देण्यात यावे, ज्या कामगाराचे वयाचे साठ वर्षे पूर्ण झाले आहेत त्या बांधकाम कामगारांना शासकीय कर्मचाऱ्यांनी निवृत्तीवेतन दरमहा पाच हजार रुपये सुरू करण्यात यावे. यासह विविध योजनांच्या पूर्ततेसाठी तहसीलदारांना निवेदन देण्यात आले.
या प्रमुख मान्यवरांची होती उपस्थिती: यावेळी जिल्हा राष्ट्रवादी युवक कांग्रेसचे अध्यक्ष संजुभाऊ कोळगे, तालुकाध्यक्ष कैलासराव नेमाणे, एकनाथ कसाळ, संजुभाऊ फडके, ताहेर पटेल, काकाभाऊ काळे, आण्णाभाऊ शिंदे, राजेंद्र चव्हाण, सुधिर लांडे, दिंगबर कुसळकर, प्रभाकर शिरसाठ, कादरभाई पठाण, कौसरभाभी शेख, मानवेल कोल्हे, हौशीराम जगदाळे, गंगाधर शिंदे, वैशाली उभेदळ, छाया वाघमारे, गयाबाई राऊत, संगिता घुटे, अश्विनी काकडे, शोभा शिंदे, सुरेखा बडदे आदीसह कामगार मोठ्या संख्येने उपस्थित होते.
