महाराष्ट्र संवाद न्यूज
मुंबई -राज्यात निर्माण झालेल्या वाळू प्रश्नाबद्दल काँग्रेसचे ज्येष्ठ आमदार बाळासाहेब थोरात यांनी दुपारच्या सत्रात सभागृहात गौण खनिजासंबंधी विविध प्रश्न उपस्थित करत महसूल मंत्री राधाकृष्ण विखे पाटील यांच्यावर प्रश्नांची सरबत्ती केली.
काय म्हणाले आमदार थोरात : घरगुती उपयोगासाठी गौण खनिजाचा वापर करणाऱ्यांवर कारवाया करू नका. ज्यांचा उद्देश व्यापारी नाही त्यांच्यावर कसल्या कारवाया करता? मोठे धेंड सोडून सामान्य माणसाला का त्रास देता? अंगणात किंवा घरासमोर, दुकानासमोर, रस्त्यावर मुरूम टाकणाऱ्यांवर कारवाई केली जात आहे. जे व्यापारी उद्देशाने गौण खनिजाची चोरी करतात त्यांना हे सरकार मोकळे सोडते आणि सामान्य शेतकरी, कष्टकरी बांधवांना मात्र त्रास दिला जातो. जो शेतकरी आपल्या अंगणात मुरूम टाकतो त्याला लाखो रुपयांचा दंड केला जातो, गौण खनिजावर कारवाई करण्याच्या नावाखाली सामान्य माणसांचा हा छळ सुरू आहे.
घरगुती उपयोगासाठी गौण खनिजाचा वापर करणाऱ्यांवर कारवाया करू नका
गौण खनिज वापरावर कारवाईच्या नावाखाली सामान्य माणसांना त्रास देण्याचे काम राज्यभर सुरू आहे. विधिमंडळातील बहुतांश सदस्यांनी हा प्रश्न सभागृहात मांडला आहे. अंगणात किंवा घरासमोर, दुकानासमोर मुरूम टाकणाऱ्यांवर कारवाई केली… pic.twitter.com/7ARIM6boA7
— Balasaheb Thorat (@bb_thorat) August 2, 2023
बहुतांशी सदस्यांनी हाच प्रश्न मांडला सभागृहात : गौण खनिज वापरावर कारवाईच्या नावाखाली सामान्य माणसांना त्रास देण्याचे काम राज्यभर सुरू आहे. विधिमंडळातील बहुतांश सदस्यांनी हा प्रश्न सभागृहात मांडला आहे. सरकार या विषयाकडे गांभीर्याने पाहणार आहे का? गौण खनिजाच्या वापराबाबतीत स्पष्ट सूचना देणार आहे का? व्यापारी उद्देश नसलेल्या आणि वैयक्तिक उपयोगासाठी गौण खनिज वापरणाऱ्यांना सरकार सवलत येणार आहे का? याबाबतीत महसूल मंत्री महोदयांनी सभागृहाला स्पष्ट उत्तर द्यावे अशी मागणी ज्येष्ठ नेते बाळासाहेब थोरात यांनी केली.
बघा व्हिडिओ…
थोरात यांच्या मागणीवर महसूल मंत्री विखे पाटलांनी दिले हे स्पष्टीकरण : सन्माननीय सदस्य बाळासाहेबांनी मागणी केल्यानंतर सकाळी याबाबत स्पष्टीकरण दिले वाळू तस्करी थांबावे हा या धोरणाचा भाग होता. सन्माननीय सदस्यांनी केलेल्या मागण्यांची दखल घेत अधिवेशन संपायच्या आत याबाबतीतले सकारात्मक निर्देश प्रशासनाला दिले जातील असे आश्वासन दिले.
