महाराष्ट्र संवाद न्यूज
नाशिक – जगातील अग्रगण्य वाईन ब्रँडमध्ये समावेश असलेल्या नाशिकच्या सुला विनयार्ड कंपनीला राज्य उत्पादक शुल्क मंत्र्यांनी नोटिस पाठवली असून ११६ कोटींचा दंड भरण्याचे आदेश देण्यात आले आहेत. दरम्यान, या नोटिसला सुला विनयार्डस कंपनीकडून न्यायालयात आव्हान देण्यात आले आहे.
यापूर्वीही दिली होती नोटीस : सुला विनयार्ड कंपनीला अशीच नोटीस सन २०१८ मध्येही देण्यात आली होती. मात्र, त्याला उच्च न्यायालयात आव्हान देण्यात आल्यानं राज्य सरकारनं स्थगिती दिली होती. मात्र आता हे स्थगिती उठवत उत्पादन शुल्कमंत्र्यांनी कंपनीला पुन्हा एकदा नोटीस पाठविली आहे.
या आधारे बजावली नोटीस : राज्य उत्पादन शुल्क मंत्र्यांनी महाराष्ट्र बिअर आणि वाईन उत्पादन नियम 1966 नुसार सुला विनयार्ड कंपनीला थकबाकी वसुलीची ही नोटीस बजावली. इतर राज्यातून वाईन मिश्रण आणून राज्यात वाईन उत्पादित केल्याचा ठपका ठेवत त्याबाबत व्याजासह कर लावण्यात येऊन ११६ कोटी रुपये अदा करण्याचे निर्देश देण्यात आले आहेत.
महाराष्ट्र निर्मित बिअर आणि वाईन नियम, 1966 अंतर्गत, कस्टम सीमा ओलांडून किंवा इतर राज्यांमधून आणलेल्या वाइनचे मिश्रण करुन महाराष्ट्रात उत्पादित किंवा उत्पादित केलेल्या वाईनवर उत्पादन शुल्क वसूल केला जातो. तो करण्यायोग्य आहे या आधारावर कंपनीला नोटीस बजावण्यात आली आहे.
कंपनीने नोटीसला न्यायालयात दिले आव्हान : कंपनीने तात्काळ मुंबई उच्च न्यायालयासमोर रिट याचिका दाखल करून या नोटिशीला आव्हान दिले आहे.
