महाराष्ट्र संवाद न्यूज
संगमनेर -संगमनेर कृषी उत्पन्न बाजार समितीच्या मुख्य मार्केट यार्ड बुधवारी मोठ्या प्रमाणात कांद्याची आवक झाली. येथे झालेल्या लिलावात एक नंबर कांद्याला बुधवारी (ता. 16 ऑगस्ट) 2400 ते 2801 रुपये भाव मिळाला असल्याची माहिती देण्यात आली.
असे मिळाले कांद्याला भाव: संगमनेर कृषी उत्पन्न बाजार समितीत शेतकऱ्यांच्या शेतमालाला चांगला भाव मिळत असल्याने शेतकरी आपला शेतमाल विक्रीसाठी बाजार समितीत आणत आहे. बुधवारी बाजार समितीत कांदा आणि डाळिंबाला चांगला भाव मिळाला असून एक नंबर कांद्यास 2400 ते 2800 रुपये, दोन नंबर कांद्यास 1900 ते 2300 रुपये, तीन नंबर कांद्याला 1000 ते 1600 रुपये इतका भाव मिळाला. तसेच गोल्टी कांदा 175 ते 900 रुपये भावाने विकला गेला.
टोमॅटो डाळिंबास मिळाला हा भाव: बाजार समितीत झालेल्या लिलावात टोमॅटोला देखील 400 ते 1200 रुपयांपर्यंतचा भाव मिळाला असून डाळिंबाची देखील मोठ्या प्रमाणात आवक झाल्याचे दिसून आले. एक नंबर डाळिंबास 141 ते 175 रुपये प्रति किलोचा भाव मिळाला असून दोन नंबर डाळिंबास 111 ते 125 रुपये, तीन नंबर डाळिंबास 75 ते 95 रुपये व चार नंबर डाळिंबास वीस ते पंचेचाळीस रुपये प्रमाणे भाव मिळाला.
आवाहन: कृषी उत्पन्न बाजार समितीत शेतमालाला चांगला भाव मिळत असल्याने शेतकऱ्यांनी आपला कांदा डाळिंब टोमॅटो आदी शेतमाल संगमनेर कृषी उत्पन्न बाजार समितीमध्ये विक्रीसाठी आणावा, असे आवाहन बाजार समितीचे सभापती शंकरराव खेमनर, सचिव सतिषराव गुंजाळ यांनी केले आहे.
