महाराष्ट्र संवाद न्यूज
नवी दिल्ली: पतंजलीने त्यांच्या सगळ्या खोटी आणि दिशाभूल करणाऱ्या जाहिराती थांबवाव्यात, अन्यथा न्यायालय त्यांना गांभीर्याने घेईल असा इशारा देत एखाद्या विशिष्ट आजाराला बरं करण्याचा चुकीचा दावा केला गेल्यास पतंजलीच्या प्रत्येक उत्पादनावर एक कोटी रुपयांचा दंड ठोठावण्याचा कडक इशारा सर्वोच्च न्यायालयाच्या न्यायमूर्तींनी पतंजलीला दिला आहे.
योग गुरु रामदेव बाबा यांच्यावर लसीकरण मोहीम आणि आधुनिक औषधांच्या विरोधात प्रचार केल्याचा आरोप करणाऱ्या आयएमएच्या याचिकेवर सर्वोच्च न्यायालयाने केंद्रीय आरोग्य मंत्रालय, आयुष मंत्रालय आणि पतंजली आयुर्वेद लिमिटेड यांना नोटीस बजावली होती. यासंदर्भात सर्वोच्च न्यायालयात न्यायमूर्ती अहसानुद्दीन अमानुल्लाह आणि न्यायमूर्ती प्रशांत कुमार मिश्रा यांच्या पीठाने सुनावणी घेतली.
सुनावणी दरम्यान या याचिकेवर न्यायमूर्तींनी महत्त्वाची टिप्पणी करत पतंजली आयुर्वेदला आधुनिक वैद्यक पद्धतीविरुद्ध दिशाभूल करणारे दावे आणि जाहिराती प्रकाशित न करण्याच्या सूचना दिल्या. ऍलोपॅथी आणि ऍलोपॅथिक डॉक्टरांवर टीका करणाऱ्या रामदेव बाबांवर न्यायालयाने कठोर शब्दात ताशेरे ओढत डॉक्टर आणि अन्य उपचार पद्धतींची बदनामी थांबवायला हवी असे खंडपीठाने म्हटल आहे.
विविध आजारांवर अचूक उपचार करण्याचा दावा पतंजली कडून केला जातो, त्या भ्रामक जाहिरातींचा अभ्यास करून तोडगा काढण्याच्या सूचना न्यायालयाने केंद्र सरकारच्या वकिलांना दिला. इंडियन मेडिकल असोसिएशनच्या या याचिकेवर फेब्रुवारीमध्ये पुढील सुनावणी होणार आहे.
Supreme Court tells Baba Ramdev it will impose ₹1 crore costs per false claim in Patanjali Ayurved ads
Read story here: https://t.co/Rhsu1XoRVP pic.twitter.com/2P1OyBTPVm
— Bar & Bench (@barandbench) November 21, 2023
