बुधवार, दि.१७ एप्रिल
धुळे, सातारा आदि महत्त्वाच्या मतदारसंघातील संभाव्य बंडखोरी टाळण्यासाठी महाविकास आघाडीतील काँग्रेसचे बडे नेते बाळासाहेब थोरात सर्वतोपरी प्रयत्न करत असताना त्यांचे भाचे नाशिक पदवीधर मतदारसंघाचे आमदार सत्यजित तांबे यांनी साताऱ्यामध्ये घेतलेल्या भूमिकेमुळे थोरातांची कोंडी झाली असल्याचे दिसते. तांबे यांनी विशाल पाटील यांच्यावर अन्याय झाल्याचे सांगत त्यांच्यावरचा अन्याय दूर करण्याचे आवाहन केले आहे.
महाविकास आघाडीच्या जागा वाटपात सांगलीची जागा शिवसेनेच्या (उद्धव बाळासाहेब ठाकरे) वाटेला गेली आहे. येथून शिवसेनेने चंद्रहार पाटील यांना उमेदवारी दिली. साताऱ्याच्या या जागेसाठी काँग्रेस आग्रही होती. यासाठी शेवटपर्यंत प्रयत्न करण्यात आले. संभाव्य बंडखोरी आणि काँग्रेस मधील अंतर्गत नाराजी दूर करण्याचे थोरात यांच्यासमोर आव्हान आहे. अशातच सांगलीच्या जागेवरून मामा-भाच्याची वेगवेगळी भूमिका समोर आली.
तांबे नाशिक पदवीधर मतदारसंघाचे आमदार असून निवडणुकीमुळे पक्षाच्या आदेशाच्या विरोधात जात त्यांनी उमेदवारी केली होती. त्यामुळे काँग्रेसने त्यांच्यासह त्यांचे वडील माजी आमदार डॉ. सुधीर तांबे यांच्यावर निलंबनाची कारवाई केली. नाशिकच्या या जागेवर ते निवडूनही आले. सत्यजित तांबे यांना मानणारा युवकांचा मोठा वर्ग राज्यात आहे. निवडणुकीच्या तोंडावर काँग्रेस पक्ष या दोघांचे निलंबन मागे घेईल याचा फायदा राज्यात काँग्रेसला मोठ्या प्रमाणात होईल अशी अपेक्षा होती मात्र काँग्रेस कडून असा कोणताही निर्णय होतांना दिसत नाहीये.
विशेष म्हणजे तांबे पिता-पुत्रांचा प्रभाव असलेल्या नाशिक मतदारसंघातील धुळे लोकसभा मतदारसंघात काँग्रेस उमेदवाराच्या विरोधात प्रचंड नाराजीचे वातावरण आहे. स्थानिक कार्यकर्त्यांनी डॉ. शोभा बच्छाव यांच्या उमेदवारीला विरोध दाखविला आहे तर डॉक्टर तांबे यांनी येथून उमेदवारी करावी अशी देखील काहींची मागणी आहे. हा वाद मिटविण्याचे मोठे आव्हान थोरात यांच्यासमोर असतानाच भाचा आमदार सत्यजित तांबे यांच्या भूमिकेमुळे मामा समोरील पर्यायाने काँग्रेस समोरील अडचणी वाढल्या असल्याचे बोलले जात आहे. तांबे यांच्या या ट्विटवर मोठ्या प्रमाणावर प्रतिक्रिया येत असल्याचे दिसते.
थोरात यांच्यासह राज्यातील काँग्रेसचे नेते विशाल पाटील यांचे समजूत काढण्याचा प्रयत्न करत असतानाच तांबे यांनी आपल्या एक्स हॅण्डल वर विशाल पाटील यांचा एक व्हिडिओ शेअर करत म्हटले आहे की… Vishal Dada, All the best ! विशाल पाटलांवर काय अन्याय झालाय, हे फक्त त्यांचा संघर्ष माहित असलेल्यांनाच ठाऊक आहे. त्यांना हे पाऊल का उचलावे लागले ह्याचा विचार होणे गरजेचे आहे. राजकारणात कर्तृत्ववान युवक हवेत ह्या मताचा मी कार्यकर्ता आहे. वसंतदादा पाटलांचे ह्या महाराष्ट्रावर व आमच्या पिढीवर अनंत उपकार आहेत, विशेषतः त्यांनी केलेल्या शिक्षणाच्या क्रांतीमुळेच आज घराघरात डॉक्टर, इंजीनियर तयार होत आहेत.
विशालदादा हे वसंतदादांचा कामाचा वसा व वारसा पुढे घेऊन जाण्यात पूर्णपणे सक्षम आहेत. त्यामुळेच त्यांना संधी मिळणे आवश्यक आहे. अजूनही वेळ गेलेली नाही, विशालदादांना कुठेतरी संधी मिळायलाच हवी.
Vishal Dada,
All the best !
विशाल पाटलांवर काय अन्याय झालाय, हे फक्त त्यांचा संघर्ष माहित असलेल्यांनाच ठाऊक आहे. त्यांना हे पाऊल का उचलावे लागले ह्याचा विचार होणे गरजेचे आहे.
राजकारणात कर्तृत्ववान युवक हवेत ह्या मताचा मी कार्यकर्ता आहे.वसंतदादा पाटलांचे ह्या महाराष्ट्रावर… https://t.co/wRIiaJtQMt
— Satyajeet Tambe (@satyajeettambe) April 16, 2024
