बुधवार,२४ जुलै
राज्यातील आयपीएस अधिकाऱ्यांच्या बदल्या करण्यात आल्या आहेत. या बदल्यांमध्ये विशेष पोलीस महानिरीक्षकांचा समावेश आहे.
बदल्या करण्यात आलेले सर्व अधिकारी मुंबई, पुण्यातील आहेत.
यांच्या झाल्या बदल्या…
महिला व बाल अत्याचार विभागाचे विशेष पोलीस महानिरीक्षक असलेले सुहास वारके यांची मुंबईच्या नागरी हक्क संरक्षण विभागात विशेष पोलीस महानिरीक्षक म्हणून बदली करण्यात आली आहे.
नागरी हक्क संरक्षण विभागाच्या विशेष पोलीस महानिरीक्षक असलेल्या अश्वती दोरजे यांची महिला व बाल अत्याचार विभाग मुंबई येथे विशेष पोलीस महानिरीक्षक म्हणून बदली करण्यात आली आहे.
पुण्याच्या गुन्हे अन्वेषण विभागाचे विशेष पोलीस महानिरीक्षक असलेले शशिकांत महावरकर यांची पिंपरी चिंचवडच्या पोलीस सहआयुक्तपदी नियुक्ती करण्यात आली आहे.
पुण्याच्या पोलीस दळणवळण पोलीस माहिती तंत्रज्ञान विभागाचे पोलीस उप महानिरीक्षक असलेले एस. जी. दिवाण यांची पोलीस उप महानिरीक्षक लाच लुचपत प्रतिबंधक विभाग, मुंबई या पदावर बदली करण्यात आली आहे.
याशिवाय नागपूर शहरचे अप्पर पोलीस आयुक्त शिवाजी राठोड यांची अप्पर पोलीस आयुक्त विशेष शाखा मुंबई या पदावर बदली करण्यात आली आहे.
