मंगळवार, ०५ नोव्हेंबर
संगमनेर विधानसभा मतदारसंघातील वंचित बहुजन आघाडीचे उमेदवार अब्दुल अजीज वोहरा यांच्या प्रचारासाठी वंचितचे युवा नेते सुजात आंबेडकर बुधवारी संगमनेरमध्ये येत आहे. वंचित घटकातील तरुणांमध्ये सुजात यांची मोठी क्रेझ असल्याने ते संगमनेरमध्ये काय बोलतात याकडे लक्ष लागले आहे. 
संगमनेर विधानसभा मतदारसंघातून सर्वप्रथम वंचित बहुजन आघाडीने आपला उमेदवार जाहीर करत निवडणुकीत रंगत आणली होती. या मतदारसंघातून युवा कार्यकर्ते अब्दुल अजीज वोहरा यांना वंचितचे नेते प्रकाश आंबेडकर यांनी संधी दिली आहे. येथील मतदारांच्या एका विशिष्ट वर्गावर आंबेडकर यांचा प्रभाव आहे. गेल्या काही दिवसांपासून रुग्णालयात उपचार घेत असलेल्या प्रकाश आंबेडकर यांनी उमेदवारांना आपल्या मतदार संघात प्रचार करण्याचे आवाहन केले होते. त्यामुळे उमेदवार मतदार संघात प्रचाराच्या कामास लागले आहे. उमेदवार अब्दुल अजीज वोहरा यांना मतदारसंघात मतदारांचा चांगला प्रतिसाद मिळत असल्याचे त्यांनी सांगितले आहे.
वंचित बहुजन आघाडीच्या उमेदवारांच्या युवा नेते सुजात आंबेडकर मतदार संघात सभा घेत असून संगमनेर विधानसभा मतदारसंघातील ही पहिलीच जाहीर सभा आहे. संगमनेरमधील सय्यद बाबा चौक येथे बुधवारी दुपारी बारा वाजता होणाऱ्या या सगळीकडे मतदारांचे लक्ष आहे.
