शिवसेना (शिंदे गट) खासदाराच्या वाहनाला अपघात…

सोमवार ३० डिसेंबर
मुंबई – मुंबई उत्तर पश्चिम मतदार संघातून लोकसभा निवडणुकीत अवघ्या ४८ मतांनी विजयी झालेले शिवसेना (शिंदे गट) खासदार रवींद्र वायकर यांच्या वाहनाला अपघात झाल्याची माहिती समोर येत आहे. सुदैवाने या अपघातात कोणीही जखमी झाले नसून कोणतीही जीवितहानी झाली नाही. खासदार वायकर देखील या गाडीत असल्याची माहिती समोर येत आहे.
रविवारी रात्री पश्चिम द्रुतगती महामार्गाजवळ जोगेश्वरीच्या एसआरपीएफ कॅम्पच्या प्रवेशद्वारासमोर हा अपघात झाला. अपघातावेळी वाहन चालक मद्यधुंद अवस्थेत असल्याची माहिती सूत्रांनी दिली आहे. आपण आता नंतर पोलीस घटनास्थळी दाखल झाले असून अधिक चौकशी केली जात आहे.
लोकसभा निवडणुकीत ४८ मतांनी विजयी… मुंबई उत्तर पश्चिम मतदारसंघातून लोकसभा निवडणुकीत रविंद्र वायकर हे शिवसेनेच्या तिकिटावर विजय़ी झाले आहेत. निवडणुकीत त्यांनी अवघ्या ४८ मतांनी ठाकरे गटाच्या अमोल किर्तीकर यांचा पराभव केला. मतमोजणीवेळी नाट्यमय घडामोडी घडल्या होत्या. किर्तीकर यांना विजयी घोषित केलं होतं पण फेरमतमोजणीत वायकर विजयी झाले.
किर्तीकर सुरुवातीला ६८१ मतांनी विजयी झाले होते. पण वायकर यांनी फेर मतमोजणीची मागणी केल्यानंतर त्यांना ७५ मतांची आघाडी मिळाली. त्यानंतर पोस्टल मतमोजणी झाल्यावर वायकर यांना ४८ मतांनी विजयी घोषित केलं गेलं होतं. ईव्हीएम मतदानात अमोल किर्तीकर हे एका मताने आघाडीवर होते. मात्र पोस्टल मतदानात रविंद्र वायकर यांनी ४९ मतांची आघाडी घेतली होती.