बुधवार दि. १ जानेवारी २०२५
अहिल्यानगर – महसूल खाते आणि भ्रष्टाचार असे समीकरण बनलेले आहे. सामान्य माणसांचे दैनंदिन काम महसूल खात्यातील अधिकारी कर्मचाऱ्यांकडे पडते. त्यांच्याशिवाय खरेदी-विक्री, कर्जाच्या नोंदी, वारस नोंदी, विविध दाखले, प्रतिज्ञापत्र असे कुठलेही काम होत नाही. त्यामुळे सामान्य माणसांना लुबाडण्याचा आपल्याला जणू काही अधिकार मिळाला असल्याच्या अविर्भावात महसूल खात्याचे अधिकारी कर्मचारी वागतात. आतापर्यंत अनेकांना अटक झाल्यानंतर देखील त्यातून इतर कर्मचारी धडा घेताना दिसत नाहीत. अशाच प्रकारचा एक गुन्हा श्रीरामपुरात दाखल झाला.
याबाबतची तक्रार १८ सप्टेंबरला लाचलुचपत प्रतिबंधक विभागाकडे प्राप्त झाली होती. त्यानुसार लाच मागणी पडताळणी करण्यात आली होती. त्यात लाच मागणी पडताळणी कारवाई दरम्यान आरोपी शहाजी केरू वडितके याने तक्रारदार यांनी दाखल केलेल्या हरकत अर्ज प्रकरणातील केसचा निकाल तक्रारदार यांच्या बाजूने देण्यासाठी मंडलाधिकारी बी. के. मंडलिक यांच्यासाठी दहा हजारांची रुपयांची लाचेची मागणी केली. ती स्वीकारण्याची तयारी दर्शवली म्हणून आरोपीविरुद्ध श्रीरामपूर शहर पोलिसात गुन्हा दाखल करण्यात आला आहे.
Post Views: 1,587
