नोव्हेंबर महिन्यात साकुर बस स्थानकाजवळ गजबजलेल्या परिसरात निखिल सुभाष लोळगे यांचे ‘कान्हा ज्वेलर्स’ नावाने सोन्याचे दागिने विक्रीचे दुकान आहे. पावणे दोन वाजण्याच्या सुमारास दुकानातील कामगार जेवण करण्यासाठी गेले असता दुकानात एक कामगार असल्याचे संधी साधून पल्सर दुचाकीवरून आलेल्या पाच जणांनी दुकानासमोर हवेत गोळीबार करत दुकानात प्रवेश करत दुकानातील कामगाराला बंदुकीचा धाक दाखवत दुकानातील भर दिवसा दरोडेखोरांनी अख्खे दुकानच लुटून नेल्याने परिसरात मोठी खळबळ माजली होती.
दरम्यान पोलिसांनी या प्रकरणी तपास करत या गुन्ह्यांमध्ये नऊ आरोपी निष्पन्न केले होते. तर सात जणांना पकडण्यात पोलिसांना यश आले होते. गुन्ह्यात सामील असलेले दोघे अद्यापही फरार आहेत. तर अटक करण्यात आलेल्या पैकी काहींची न्यायालयाने जामीनावर मुक्तता केली होती.
दरम्यान पोलीस उपाधीक्षक डॉ. कुणाल सोनवणे व पोलिसांच्या तपासामध्ये संघटितपणे दरोडा टाकणाऱ्या या आरोपींनी तब्बल २१ पेक्षा अधिक गुन्हे संघटितपणे केल्याचे आढळून आल्याने या आरोपींवर मोका अंतर्गत (महाराष्ट्र संघटित गुन्हेगारी अधिनियम) कारवाई करण्यात आली.
सहाय्यक सरकारी वकील मच्छिंद्र गवते यांनी सरकार पक्षाच्या वतीने आरोपींनी केलेले गंभीर स्वरूपाचे गुन्हे न्यायालयाच्या निदर्शनास आणून दिले. तसेच या गुन्ह्यांचा तपास करण्यासाठी आरोपींच्या पोलीस कोठडीची मागणी केली होती. जिल्हा न्यायाधीश दिलीप घुमरे यांनी आरोपींना २४ फेब्रुवारी पर्यंत पोलीस कोठडी सुनावली आहे.
मोकातील आरोपी न्यायालयाच्या परिसरात आला आणि पोलिसांनी जेरबंद केला…
नव्या पोलीस उपाधीक्षकांच्या काळातील पहिलीच मोठी कारवाई…
