महाराष्ट्र संवाद न्यूज – संगमनेर
संगमनेरच्या कृषी उत्पन्न बाजार समितीच्या वडगाव पान येथील उपबाजारात आज (मंगळवारी ६ मे) लूज कांद्याच्या लिलावाला शेतकऱ्यांचा उदंड प्रतिसाद मिळाला. बाजारात तब्बल ३४ ट्रॅक्टर कांद्याची आवक झाली असल्याची माहिती बाजार समितीच्या वतीने देण्यात आली आहे.
या लिलावात चांगल्या प्रतीच्या कांद्याला उच्चांकी १२७३/- प्रति क्विंटल भाव मिळाला, तर गोल्टी कांद्याने ५०० ते ८०० प्रति क्विंटलचा भाव मिळाला. यामुळे शेतकऱ्यांमध्ये आनंदाची लहर पसरली आहे.
वडगावपान उपबाजारात कांदा विक्रीसाठी येणाऱ्या शेतकऱ्यांची संख्या दिवसेंदिवस वाढत आहे. येथे शेतकऱ्यांच्या वेळेची आणि पैशांची बचत होत असल्याने त्यांना हा बाजार सोयीस्कर वाटत आहे. विशेष म्हणजे, शेतकऱ्यांनी आपला लूज कांदा विकल्यानंतर त्यांना त्वरित ऑनलाइन अथवा रोख स्वरूपात पेमेंट केले जाते, अशी माहिती बाजार समितीचे सचिव सतिष गुंजाळ यांनी दिली.
बाजार समितीचे सभापती शंकरराव खेमनर यांनी तालुक्यातील आणि तालुक्याबाहेरील सर्व शेतकऱ्यांना आवाहन केले आहे की, त्यांनी आपल्या शेतमालाचा योग्य भाव मिळवण्यासाठी वडगावपान उपबाजारात आपला लूज कांदा विक्रीसाठी आणावा.
उपबाजार ठरला शेतकऱ्यांसाठी फायद्याचा; कांद्याला मिळाला चांगला भाव
बाजारात तब्बल ३४ ट्रॅक्टर कांद्याची आवक झाली असल्याची माहिती बाजार समितीच्या वतीने देण्यात आली आहे.
