सात पोलीस निरीक्षक आणि तीन सहाय्यक पोलीस निरीक्षकांच्या बदल्या, स्थानिक गुन्हे शाखेतील सहाय्यक पोलीस निरीक्षक हेमंत थोरात घारगाव पोलीस ठाण्यात! एस पी सोमनाथ घार्गेनी काढले आदेश

अहिल्यानगर, 

जिल्ह्याचे नवे एसपी सोमनाथ घार्गे यांनी जिल्हा पोलीस दलात फेरबदल केले असून सात पोलीस निरीक्षकांसह तीन सहाय्यक पोलीस निरीक्षकांच्या जिल्हा अंतर्गत बदल्या केल्या आहे. संगमनेर तालुक्यातील घारगाव पोलीस ठाण्याचे पोलीस निरीक्षक विलास पुजारी यांचीदेखील बदली करण्यात आली आहे. या पोलीस ठाण्यात स्थानिक गुन्हे शाखेत कार्यरत असलेले सहाय्यक पोलीस निरीक्षक हेमंत थोरात यांना पाठविण्यात आले आहे.

एसपी घार्गे यांनी काढलेल्या आदेशामुळे आता जिल्ह्यातील शेवगाव, कर्जत, जामखेड, पाथर्डी, कोपरगाव, श्रीरामपूर पोलीस ठाण्यांना पोलीस निरीक्षक मिळणार आहे. बदल्या झालेल्या अधिकाऱ्यांना तात्काळ नव्या नियुक्तीच्या ठिकाणी हजर होण्याचे आदेश देण्यात आले आहे. तर जामखेड पोलीस ठाण्याचे निरीक्षक महेश पाटील यांच्या देखील बदलीचे आदेश काढण्यात आले असून त्यांना नवीन पदस्थापना देण्यात आलेली नाही. पाटील यांना नियंत्रण कक्ष हजर होण्यास सांगण्यात आले आहे.

बदल्या झालेले अधिकारी पुढील प्रमाणे…

पोलीस निरीक्षक संतोष मुटकुळे पाथर्डी पोलीस ठाण्यातून शेवगाव पोलीस ठाण्यात.

पोलीस निरीक्षक सोपान शिरसाट अहिल्यानगर नियंत्रण कक्षातून कर्जत पोलीस ठाण्यात. 

पोलीस निरीक्षक दशरथ चौधरी श्रीरामपूर तालुका पोलीस ठाण्यातून जामखेड पोलिस ठाणे. 

विलास पुजारी घारगाव (संगमनेर) पोलीस ठाण्यातून पाथर्डी पोलीस ठाणे. 

पोलीस निरीक्षक रामकृष्ण कुंभार अहिल्यानगर नियंत्रण कक्षातून कोपरगाव शहर पोलीस ठाणे. 

पोलीस निरीक्षक अरुण धनवडे अहिल्यानगर नियंत्रण कक्षातून श्रीरामपूर तालुका पोलीस ठाणे.

पोलीस निरीक्षक महेश पाटील जामखेड पोलीस ठाण्यातून तात्पुरती नियुक्ती नियंत्रण कक्ष. 

सहाय्यक पोलीस निरीक्षक हेमंत थोरात अहिल्यानगर स्थानिक गुन्हे शाखेतून घारगाव (संगमनेर) पोलीस ठाणे.

सहाय्यक पोलीस निरीक्षक विजय झंझाड खर्डा पोलीस ठाण्यातून मिरजगाव पोलीस ठाणे.

सहाय्यक पोलीस निरीक्षक उज्वलसिंह राजपूत तोफखाना पोलीस ठाण्यातून खर्डा पोलीस ठाणे.