संगमनेर – राज्यातील सहकार क्षेत्रासाठी नेहमीच दिशादर्शक ठरलेल्या सहकार महर्षी भाऊसाहेब थोरात सहकारी साखर कारखान्याच्या सन २०२५-२६ या गळीत हंगामाचा शुभारंभ गुरुवारी (३० ऑक्टोबर) सकाळी ९.०० वाजता होणार आहे. कारखान्याचे चेअरमन, लोकनेते व माजी मंत्री बाळासाहेब थोरात आणि कांचनताई थोरात यांच्या प्रमुख उपस्थितीत हा समारंभ पार पडेल, अशी माहिती व्हा. चेअरमन पांडुरंग पाटील घुले यांनी दिली आहे.
यावेळी माजी आमदार डॉ. सुधीर तांबे, आमदार सत्यजित तांबे, माधवराव कानवडे, आणि डॉ. जयश्री थोरात हे देखील उपस्थित राहणार आहेत. माजी मंत्री बाळासाहेब थोरात यांच्या मार्गदर्शनाखाली हा कारखाना केवळ सभासदच नव्हे, तर कार्यक्षेत्राबाहेरील ऊस उत्पादकांचाही मोठा विश्वास संपादन करत आहे.
व्हा. चेअरमन पांडुरंग पाटील घुले यांनी अधिक माहिती देताना सांगितले की, या कारखान्याने मागील हंगामात ऊस उत्पादकांना रु. ३२००/- प्रति टन इतका विक्रमी भाव दिला होता.
गळीत हंगामाच्या या महत्त्वपूर्ण सोहळ्यासाठी वरील मान्यवरांसह बाजीराव पाटील खेमनर, दुर्गाताई तांबे, रणजीतसिंह देशमुख, सुधाकर जोशी, संपतराव डोंगरे, शंकर खेमनर, हौशीराम सोनवणे, रामहरी कातोरे, राजेंद्र गुंजाळ, अजय फटांगरे, सोमेश्वर दिवटे, निखिल पापडेजा, विश्वासराव मुर्तडक, अर्चना बालोडे यांच्यासह सर्व जिल्हा परिषद व पंचायत समितीचे माजी सदस्य, नगरपालिकेचे माजी नगरसेवक आणि अमृत उद्योग समूहातील विविध संस्थांचे पदाधिकारी व मान्यवर उपस्थित राहणार आहेत.
कार्यकारी संचालक जगन्नाथ घुगरकर व सर्व संचालक मंडळाने तालुक्यातील सभासद, शेतकरी आणि ऊस उत्पादक बांधवांना या ऊस गळीत हंगामाच्या शुभारंभ कार्यक्रमासाठी मोठ्या संख्येने उपस्थित राहण्याचे आवाहन केले आहे.
सहकार महर्षी थोरात कारखान्याचा गळीत हंगाम गुरुवारी होणार सुरू; माजी मंत्री बाळासाहेब थोरात यांची प्रमुख उपस्थिती!
कार्यकारी संचालक जगन्नाथ घुगरकर व सर्व संचालक मंडळाने तालुक्यातील सभासद, शेतकरी आणि ऊस उत्पादक बांधवांना या ऊस गळीत हंगामाच्या शुभारंभ कार्यक्रमासाठी मोठ्या संख्येने उपस्थित राहण्याचे आवाहन केले आहे.
