संगमनेर, प्रतिनिधी-
भारतीय संविधानावर विश्वास ठेवून सामाजिक व राजकीय क्षेत्रात कार्यरत राहण्याच्या उद्देशाने प्रहार जनशक्ती पक्षाने आपल्या संघटनात्मक बांधणीला वेग दिला आहे. याच पार्श्वभूमीवर, पक्षाचे संस्थापक अध्यक्ष मा. आमदार ओमप्रकाश ऊर्फ बच्चुभाऊ कडु यांच्या मार्गदर्शनाखाली आणि जिल्हाप्रमुख ज्ञानेश्वर सांगळे व जिल्हाध्यक्ष युवक अहिल्यानगर उत्तर ॲड. पांडुरंग औताडे यांच्या आदेशानुसार, अकोले-संगमनेर समन्वयकपदी ॲड. शेखर श्रीरंग गवांदे यांची अधिकृत नियुक्ती करण्यात आली आहे. या निवडीचे पत्र जिल्हाध्यक्ष (युवक) ॲड. पांडुरंग केशव औताडे पाटील यांच्या स्वाक्षरीने त्यांना नुकतेच प्रदान करण्यात आले.
ॲड. शेखर गवांदे हे उच्चशिक्षित वकील असून त्यांचा सामाजिक कार्याचा दांडगा अनुभव आणि पक्षाप्रती असलेली निष्ठा विचारात घेऊन ही जबाबदारी सोपवण्यात आली आहे. आपल्या नियुक्तीच्या काळात त्यांना अकोले आणि संगमनेर तालुक्यातील सामाजिक, राजकीय, शैक्षणिक, आरोग्य आणि कायदेशीर प्रश्नांचा सखोल अभ्यास करून त्याबाबतचा वस्तुनिष्ठ अहवाल पक्षाकडे सादर करावा लागणार आहे. सर्वसामान्यांचे प्रश्न मार्गी लावण्यासाठी आणि पक्षाची ध्येयधोरणे तळागाळातील लोकांपर्यंत पोहोचवण्यासाठी ही नियुक्ती महत्त्वपूर्ण मानली जात आहे.
या निवडीबद्दल पक्षाचे कार्याध्यक्ष महेंद्र उर्फ बल्लू जवंजाळ आणि जिल्हाप्रमुख ज्ञानेश्वर सांगळे यांनी ॲड. गवांदे यांचे विशेष अभिनंदन केले आहे. गवांदे यांच्या नियुक्तीमुळे दोन्ही तालुक्यांत प्रहार जनशक्ती पक्षाची ताकद वाढणार असून, तरुणांचे संघटन अधिक मजबूत होईल, असा विश्वास जिल्हा कार्यकारिणीने व्यक्त केला आहे. त्यांच्या या निवडीबद्दल राजकीय व सामाजिक स्तरातून शुभेच्छांचा वर्षाव होत आहे.
प्रहार जनशक्ती पक्षाच्या अकोले-संगमनेर समन्वयकपदी ॲड. शेखर गवांदे यांची नियुक्ती
ॲड. शेखर गवांदे हे उच्चशिक्षित वकील असून त्यांचा सामाजिक कार्याचा दांडगा अनुभव आणि पक्षाप्रती असलेली निष्ठा विचारात घेऊन ही जबाबदारी सोपवण्यात आली आहे.
