संगमनेर, प्रतिनिधी –
शिवसेना (उद्धव बाळासाहेब ठाकरे) पक्षाच्या वतीने दरवर्षीप्रमाणे यावर्षीही शिवजयंती उत्सव मोठ्या उत्साहात साजरा करण्यासाठी ‘शिवजयंती उत्सव समिती’ची अधिकृत घोषणा करण्यात आली आहे. या समितीच्या अध्यक्षपदी अमोल डुकरे यांची निवड करण्यात आली असून, त्यांच्या नेतृत्वाखाली उत्सवाचे भव्य नियोजन केले जाणार आहे.
या कार्यकारिणीमध्ये उपाध्यक्षपदाची जबाबदारी दीपक वन्नम आणि प्रकाश गायकवाड यांच्यावर सोपवण्यात आली आहे. तसेच उत्सवाच्या प्रभावी नियोजनासाठी कार्याध्यक्ष म्हणून दत्तू नाईक, संजय सोनवणे आणि दीपक साळुंके यांची नियुक्ती करण्यात आली आहे. समितीच्या आर्थिक नियोजनासाठी खजिनदारपदी राजू सातपुते, अमित चव्हाण, भाऊसाहेब हासे आणि फैसल सय्यद यांची निवड करण्यात आली आहे.
शिवछत्रपतींच्या विचारांचा वारसा जपत आणि सर्व शिवप्रेमींना सोबत घेऊन हा उत्सव शिस्तबद्ध पद्धतीने साजरा करण्याचा मानस नूतन समितीने व्यक्त केला आहे. या सर्व नूतन पदाधिकाऱ्यांच्या निवडीबद्दल राजकीय आणि सामाजिक स्तरातून त्यांचे अभिनंदन होत असून, लवकरच शिवजयंतीच्या विविध कार्यक्रमांची रूपरेषा जाहीर केली जाणार असल्याचे समितीच्या वतीने सांगण्यात आले.
उपजिल्हाप्रमुख अमर कतारी, उपजिल्हा संघटक रंगनाथ फटांगरे, वाहतूक सेना जिल्हाप्रमुख इम्तियाज शेख, तसेच अक्षय गाडे, वैभव अभंग, संभव लोढा, अभिषेक साबळे, अशोक बढे, रवी गिरी, रहीम बेग, परवेझ शेख, प्रवीण चव्हाण, इतर सर्व शिवसैनिक आणि सर्व अंगीकृत संघटनांचे पदाधिकारी व सदस्य या निवडी वेळी उपस्थित होते.
शिवसेना (UBT) शिवजयंती उत्सव समितीची घोषणा; अमोल डुकरे यांच्याकडे अध्यक्षपदाची धुरा, यांचा आहे समावेश
उत्सवाच्या प्रभावी नियोजनासाठी कार्याध्यक्ष म्हणून दत्तू नाईक, संजय सोनवणे आणि दीपक साळुंके यांची नियुक्ती करण्यात आली आहे.
