संगमनेरात शिवजयंतीचा उत्साह; ‘शिवजयंती उत्सव युवक समिती’च्या नवनिर्वाचित पदाधिकाऱ्यांची घोषणा, यांचा आहे समावेश…

संगमनेर, प्रतिनिधी –
छत्रपती शिवाजी महाराज यांच्या दैदिप्यमान इतिहासाचा वारसा जपत दरवर्षीप्रमाणे यंदाही संगमनेर शहरात शिवजयंती उत्सव मोठ्या थाटामाटात साजरा करण्यासाठी ‘शिवजयंती उत्सव युवक समिती’ सज्ज झाली आहे. या पार्श्वभूमीवर समितीच्या नवनिर्वाचित नूतन पदाधिकाऱ्यांची अधिकृत घोषणा करण्यात आली असून, अध्यक्षपदी विनायक गरूडकर यांची सर्वानुमते निवड करण्यात आली आहे. ‘आपली समिती, आपली ताकद’ हे ब्रीदवाक्य उराशी बाळगून या युवक समितीने आपल्या कार्याचा श्रीगणेशा केला आहे.
समितीच्या या नूतन कार्यकारिणीत अनुभवी आणि उत्साही तरुणांचा समावेश करण्यात आला आहे. उपाध्यक्ष म्हणून हर्षल जेधे आणि विजय चव्हाण यांच्यावर जबाबदारी सोपवण्यात आली असून, किरण वर्पे यांची कार्याध्यक्ष म्हणून निवड झाली आहे. समितीच्या कामात गती आणण्यासाठी रोशन गोफणे यांची सह कार्याध्यक्षपदी, तर दत्तु थोरात यांची सेक्रेटरी आणि सिद्धार्थ दुशिंग यांची सह सेक्रेटरी म्हणून नियुक्ती करण्यात आली आहे. आर्थिक नियोजनाची धुरा खजिनदार सौरभ उमर्जी आणि सह खजिनदार शुभम येरमल हे सांभाळणार आहेत.
उत्सवाच्या कायदेशीर बाबींसाठी कायदेविषयक सल्लागार म्हणून शोण थोरात आणि सुशांत कवडे हे मार्गदर्शन करतील. संघटन मजबूत करण्यासाठी विशाल पवार यांची शहर संघटक आणि विशाल बोह्हाडे यांची सह शहर संघटक म्हणून निवड झाली आहे. तसेच तालुक्याच्या पातळीवर संघटन करण्यासाठी प्रसाद आव्हाड यांची तालुका संघटक आणि चंदु शिंदे यांची सह तालुका संघटक म्हणून नियुक्ती करण्यात आली आहे.
विविध उपक्रम आणि प्रकल्पांच्या यशस्वी अंमलबजावणीसाठी मंगेश पाथरकर यांची प्रकल्प प्रमुख, तर महेंद्र भालारे आणि राज तायडे यांची सह प्रकल्प प्रमुख म्हणून वर्णी लागली आहे. या ऐतिहासिक सोहळ्याची माहिती जनसामान्यांपर्यंत पोहोचवण्यासाठी प्रसिद्धी प्रमुख म्हणून साईराज बोप्पा, मयुर आडेप, हित कलंत्री आणि ओम दर्वे हा चमू मेहनत घेणार आहे. या सर्व नवनिर्वाचित पदाधिकाऱ्यांचे संगमनेर शहरात मोठ्या उत्साहात अभिनंदन करण्यात येत असून, यंदाची शिवजयंती ही विचारांची आणि शिस्तीची जत्रा ठरेल, असा विश्वास व्यक्त केला जात आहे.